Búgin Astanada birneshe turǵyn súrilgeli jatqan baspanalarynyń ornyna úı berýdi talap etip narazylyq aksıasyn uıymdastyrdy. Bul týraly «Qamshy» portaly Azattyqqa silteme jasap habarlaıdy.

Narazylyq sharasyna shyqqan kelinshekterdiń qolynda «Jaqsybekov, jylatpa!» dep jazylǵan plakattar bolǵan. Al, analarymen erip shyqqan kishkene balalardyń ústindegi kıimderine «Bizdi úıimizden shyǵaryp kórińizder!», «Páter berýdi suraımyz!» degen talaptar jazylǵan paraqtar japsyrylǵan.

Aksıa uıymdastyrýshylaryn polısıa qyzmetkerleri qalalyq ákimdik janynda ustap alyp, avtobýsqa tıep áketken.

Qala ákimdiginen baspana surap júrgen bul azamattar – Astana irgesindegi Óndiris eldi mekeniniń turǵyndary. Olar turyp jatqan baspana sot sheshimimen qulatylýy tıis. Al,  turǵyndar memleketten bólinetin ótemaqy jańa baspana alýǵa jetkiliksiz dep otyr. Olar buǵan deıin de birneshe ret osy másele boıynsha memlekettik mekemelerge shaǵym túsirgen eken.