«100 naqty qadam» Ult jospary jáne «Bolashaǵy birtutas ult» bes ınstıtýttyq reformasynyń strategıalyq mindetterin oryndaý maqsatynda keıbir zańnamalyq aktilerge mádenıet jáne tarıhı-mádenı mura máseleleri boıynsha ózgerister men tolyqtyrýlar engizý týraly zań qabyldanǵan edi. Zańnamalarǵa engizilgen mádenıet salasyndaǵy ózgerister týraly keshe Ortalyq komýnıkasıalar qyzmetinde ótken brıfıńte aıtyldy.

Brıfıńke Mádenıet jáne sport vıse-mınıstri Ǵa­lym Ahmedıarov, atalǵan mınıstr­liktiń Mádenıet jáne óner isteri departamenti dırektorynyń orynbasary Kúmis Seıitova, Astana sırkiniń bas dırektory Erik Joljaqsynov qatysty.

28 qazanda «100 naqty qadam» Ult jospary aıasynda «Qazaqstan Respýblıkasynyń keıbir zańna­malyq aktilerine mádenıet jáne tarıhı-mádenı mura máseleleri boıynsha ózgerister men tolyq­tyrýlar engizý týraly» Zań qa­byldanǵan bolatyn. Jańa túze­týler, sonymen qosa, osy saladaǵy baqylaýdy jetildirýge baǵyttalǵan edi.

«Jańa zań qabyldanǵanǵa deıin mýzeı dırektorlary eksponattardy qalaı qoldanýǵa bolatyndyǵyn, neni satyp alyp, neni basqa murajaılarǵa berý kerektigin ózderi jeke sheshken bolatyn. Endi onymen arnaıy kásibı komısıa aınalysady», – dedi Ǵ.Ahmedıarov. Onyń atap ótýinshe, quqyqtyq, ekonomıkalyq, áleýmettik jáne uıymdastyrýshylyq negizderdi anyqtaý jáne el mádenıetin jańǵyrtý, saqtaý, damytý, taratý jáne qoldaný salasyndaǵy memlekettik saıasat, eń aldymen, zańnamalyq bazanyń keshendi saraptalýy men jetildirilýin qamtamasyz etýdi talap etedi.

«Sonymen qatar, mádenıet sa­lasyndaǵy zańnamany jetil­dirý birqatar zańnamanyń, nor­­matıvtik-quqyqtyq akti­ler­di ázirlep, be­ki­tetin óki­letti organ­dardyń quzyretin jetil­­dirýdi boljaıdy», – dedi spıker. MSM ókili­niń pikirinshe, bul qor­lardy tolyqtyrý bary­syn meılinshe ashyq, al ekspozısıa­lardy kelý­shi qonaqtar úshin ana­ǵurlym tartymdy etedi.

Al brıfıń barysynda sóz alǵan K.Seıitova: «Eger bu­ryn zańnama negizinde qazba ju­mys­tary kezinde tabylǵan zattardy murajaılarǵa berý aıqyndalsa, endi tıisti rásimder de bar. Bul mádenı qundylyqty tap­qan adamdarǵa olardy tapsy­rýdan jaltarýǵa múmkindik bermeıdi», – dedi.

Sonymen birge, sırk ónerine de ózgerister engizilipti. Buryn teatrlar, fılarmonıalar men mádenı-oıyn-saýyq uıymdaryna arnalǵan «Memlekettik satyp alýlar týraly» Zańmen sahnalyq kostúmder sıaqty keıbir taý­ar­lar men qyzmetterdi konkýrssyz satyp alýǵa ruqsat beretin norma bolatyn. Alaıda, bul tizimde sırk­ter joq-tyn, sondyqtan keıbir qıynshylyqtar týyndaıtyn. Osy máseleni sheshý úshin memlekettik satyp alýlar zańnamasyna tıisti túzetýler engizildi», – dedi E.Joljaqsynov.

Zańnyń maqsaty – tarıhı-mádenı mura, sırk jáne teatr­aldyq óner, murajaı jáne kitap­hana isi, sonymen qatar, muraǵat isi boıynsha qoldanystaǵy zańnamany jetildirý bolyp tabylady eken. Sonymen qosa, zań normalary Qazaqstan Res­pýblıkasynyń Mádenı saıa­saty tujyrymdamasynda kórse­tilgen salanyń ınstıtýttyq jańǵyrýy, basqarýshylyq sheshimderdi úılestirý, zamanaýı mádenı klas­ter­lerdi qurý, salalyq kór­kem­dik keńesterge baılanysty maq­sat­taryn júzege asyrýǵa baǵyt­talypty.

Zań jobasyn daıyndaý barysynda mádenıet jáne tarıhı-mádenı mura salasyndaǵy máselelerdi normatıvtik retteý boıynsha halyqaralyq, sonyń ishinde TMD elderiniń tájirıbesi qoldanylypty.

Derekkóz: "Egemen Qazaqstan"