Batys Qazaqstan oblysynda aımaqtyq Tótenshe jaǵdaılar departamenti qyzmetkerleri mingen kólik jol apatyna ushyrady, - dep «Qamshy» portaly Tengrinews.kz-ke silteme jasap.

Jol-kólik oqıǵasy 18 qarasha kúni saǵat 10.02-de boldy.

Oral – Atyraý tas jolynan 90 shaqyrym qashyqtyqta, Aqjaıyq aýdanynda qutqarýshylar mingen "ÝAZ" jáne "Gazel" kóligi soqtyǵysyp qalǵan. İİD málimetinshe, "ÝAZ" avtokóliginiń 43 jastaǵy júrgizýshisi tizginge ıe bola almaı, qarama-qarsy baǵytta kele jatqan kólikpen soqtyǵysqan. Jol apaty saldarynan "Gazeldiń" 36 jastaǵy júrgizýshisi oqıǵa bolǵan jerde qaza tapty.

"ÝAZ" avtokóliginiń eki jolaýshysy Oral qalasynyń aýrýhanasyna jetkizildi. Osy derek boıynsha "Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy" baby boıynsha tergeý amaldary júrgizilip jatyr", - dep habarlady aımaqtyq İİD.

"ÝAZ" avtokóliginde bolǵan TJD qyzmetkerleriniń qyzmettik issaparǵa bara jatqandary belgili boldy. "Boljam boıynsha, jol-kólik oqıǵasy aýa raıy saldarynan bolǵan. "ÝAZda" bizdiń tórt qyzmetker boldy. Olardyń ekeýi úılerine qaıtaryldy, al ekeýi - Jarqyn Fazylov (BQO TJD basshysynyń orynbasary) jáne Zamır Berdashev (BQO TJD Azamattyq qorǵanys basqarmasynyń bashysy) oblystyq aýrýhanada jatyr", - dedi BQO TJD Azamattyq qorǵanys basqarmasy basshysynyń orynbasary Maksım Haırekenov.