Baıqońyr qalasyndaǵy alty qazaq mektebi Qazaqstan bilim standartyna tolyq kóshti. Osyǵan deıin Reseı baǵdarlamasy boıynsha bilim alǵan qazaq mektepteri ózgeristerdi basynan keshirýde.
Soǵan oraı mektepterde «Keńes berý» ortalyǵy, «Ozat» shyǵarmashylyq birlestigi men «Ozat» tájirıbe birlestikteri óz jumysyn bastap ketti. Kásibı «Keńes berý» ortalyǵy bizdiń mektepte bıylǵy oqý jylynan bastap quryldy. Bul ortalyqtyń negizgi maqsaty – oqýshylarǵa mamandyq tańdaý, olardyń ádisteri týraly bilimderin, túsinikterin keńeıte otyryp, mamandyqtarǵa degen ynta-yqylasyn, qyzyǵýshylyqtaryn arttyrý. Óz eline adal, halqyn qasterleıtin, bilimdi, sanaly, rýhanı qundylyqtardy boıyna tolyq qalyptastyrǵan qoǵamda óz ornyn taba biletindeı kásibı baǵyt-baǵdar berý.
Osy maqsatty júzege asyrý úshin «Keńes berý» ortalyǵynyń arnaıy jospary da bar. Belgili bir taqy­ryptarda baıandamalar oqylady, talqylandy, áńgime-suhbattar ót­kizi­ledi. Oqýshylardy oılandy­ryp júrgen másele bolsa, oılasyp-pi­kir­lesýge ortalyq músheleri árqa­shan daıyn. Ár oqýshy óz oıyn ashyq aıta alady. 
Qyrkúıek aıynda ortalyq mú­she­leri arasynda uıymdastyrý ke­zeńderinde jospar qurý, ony talqy­laý, bekitý, pikirlesý jumystary ótti. Al jaqynda mektepte «Búgingi shákirt – erteńgi Otan qorǵaýshy» ta­qyrybynda beıindi oqytý jónin­degi orynbasary, «Keńes berý» or­talyǵy tóraıymynyń orynbasary Gúlnar Qojaǵulovanyń uıym­dasty­rýymen 9-10-11-synyptarmen birin­shi otyrysyn ótkizdi. 
«Kúshti ult bolý úshin aldymen ish­ki birlik, uıymshyldyq pen tatý­lyq qajet» dep Elbasymyz N.Na­zar­­baev aıtqandaı, árbir azamat ult­ty alǵa jeteleıtin bilimdi, pat­rıot, eńbekshil, óz salt-dástúrin, má­­denıetin, tilin, dinin, qurmetteı­tin naǵyz tulǵa bolý kerek. Áskerı qyzmet qyzyǵy men qıyndyǵy qa­tar júretin mamandyq deýge tolyq bolady.Otan qorǵaýshy qaı zamanda bolmasyn mártebeli mamandyq sanalǵan. Osyndaı áskerı maman­dyqty tý etken mektebimizdiń alǵash­qy áskerı daıyndyq pániniń muǵalimi, Qazaqstan Respýblıka­synyń qurlyqtaǵy tank áskeriniń vzvod komandıri, zapastaǵy ofıser Jaıyq Qupıaev «Áskerı qyzmet – qasterli mindet, qadirli mamandyq» degen taqyrypta baıandamasyn oqyp, áskerı qyzmette júrgen óz shákirtterin maqtanyshpen úlgi etip, oqýshylar men kórermenderge beıne sýretterin kórsetti.
Shekara qyzmetkeri Rústem Quttybaevqa balalar suraqtaryn qoıyp, kókeıinde júrgen saýal­darymen bólisti.Sondaı-aq Baqyt­kúl Qonysova óz ómiri jáne tótenshe jaǵdaılardan qorǵaný qyzmetiniń barysy jóninde oqýshylarmen syr bólisti. Osy mamandyqty tańdap júrgen 11 «A» synyp oqýshylary Merýert Sársenbaeva men Aqbota Qımalova óz oılarynda júrgen pikirlerin aıtty. 
«Keńes berý» ortalyǵy tóraıy­mynyń orynbasary Gúlnar Qo­ja­ǵulo­vanyń uıymdastyrýymen ótken úlken is-sharalardan nátıje shy­ǵa­tynyna, ári qaraı jumystyń jan­dana beretinine senimimiz mol. 

Derekkóz: Aıqyn-aqparat