Almaty oblysynda jyl basynda Elbasynyń bastama­symen elimizde jarıalanǵan «Qazaqstanda jasalǵan» aksıasy aıasynda birqatar naqty jumystar atqaryldy.
Aksıany qoldaýǵa oraı qolǵa alynǵan «Halyqtyq marka» jalpyulttyq konkýrsy kásipkerlik salasyn­daǵy kóshbasshylardy anyqtaý­ǵa múmkindik beredi. Basty maqsaty – elimizde shyǵarylǵan taýarlar men ónimderdiń tanymaldyǵyn arttyrý arqyly otandyq taýar­óndirýshilerdiń múmkindikterin keńeıtý bolyp tabylatyn res­pýblıkalyq konkýrsqa Jetisý óńiri atynan qatysatyndar ara­synda ónimderi oblys turǵyn­darynyń talǵamynan shyǵyp, tańdaýyna ıe bolǵan «Kóger LTD» JSHS qus fabrıkasy da bar. 
Almaty oblysy ortaly­ǵy­nyń irgesinde ornalasqan ká­siporyn ınovasıalyq joldy tańdaýdyń arqasynda taýyq jumyrtqasy óndirisiniń kólemin anaǵurlym arttyryp qana qoı­maı, jumyrtqalyq baǵyt­taǵy «Loman Braýn-Klassık» taýyq tuqymynyń mekıenderin ósirý men kóbeıtý jónindegi elimizdegi birden-bir asyltuqymdy sha­rýashylyq atandy. Fabrıkadaǵy seleksıalyq jumys qusty ósirý­diń birneshe operasıalary men kezeńderinen turady. Me­kıen bolatyn balapandardy áke­lýden bastap, olardy ósirý, ın­kýbasıalyq jumyrtqalar alyp, olardan balapan órbitý syn­dy jumystardyń aqtyq ná­tı­jesinde, ónimniń ózindik quny tómendep, qarjynyń syrtqa ketýi barynsha azaıady.
 
Sońǵy jyldary jańa tehno­logıalardy engizýde belsendilik tanytqan atalmysh kásiporynda avtomat­tandyrý birinshi orynǵa shyqqan. Qol eńbegi barynsha azaı­ǵan. Ju­mysshylar ózderiniń áleýmettik kepildikterin turaqty paıdala­nady. Eńbekaqyny ýaqy­tynda tóleý, jumys ornyna alyp kelip, turǵylyqty jerge qaıta aparyp tastaý mundaǵy buljymas tártip­tiń bastylary. 
Almaty, Semeı, Óskemen, Qy­zylorda, Aıagóz qalalaryna táýli­gine jarty mıllıonnan astam ju­myrtqa jóneltiledi. Taýar eli­mizdiń ár qıyryndaǵy saýda núk­telerine kásiporyndaǵy maman­dandyrylǵan kóliktermen jet­­­ki­­ziledi. Basty naryq – oń­tús­tik astana bolyp tabylady. Qus fabrıkasy Almaty qala­synyń mańynan azyq-túlik bel­deýin qurýǵa úlken úles qosyp otyr. 
Bıyl kásiporyn «Altyn sapa» konkýrsynyń «Úzdik óndiristik taýar» atalymy boıynsha jeńim­paz atandy. 
– Bul jeńis – bizder úshin úl­ken jetistik. Sonymen birge tu­tynýshylar aldyndaǵy jaýap­ker­shiligimizdi barynsha arttyra tú­sedi. Biz árdaıym sapany basty nazarda ustaımyz. Óz salamyzda úzdikter qatarynan kórinýge ty­rysamyz, – deıdi bas dırektordyń óndiris jónindegi orynbasary Svetlana Ivanova. 
Qus fabrıkasynyń aldynda úlken asýlar men jaýapty kezeń­der kútip tur. Sonyń biri «Halyq­tyq marka» respýblıkalyq baı­qaýynda oblys namysyn abyroı­­men qorǵaý.

Derekkóz: Aıqyn-aqparat