Kezekten tys Parlament Májilisi depýtattarynyń saılaýy bıyl naýryz aıynda ótedi, - dep habarlaıdy «Qamshy» portaly KazTAG-qa silteme jasap.

«Kezekten tys Májilis saılaýy shamamen ústimizdegi jyldyń naýryz aıynda ótedi. Iaǵnı, qańtarda Parlamenttiń tómengi palatasynyń ókilettigin merziminen buryn toqtatý týraly sheshim jarıa bolýy kerek jáne eki aı ishinde jańa depýtattardyń saılaýy ótedi. Parlament saılaýymen bir ýaqytta jergilikti máslıhattardyń saılaýy da ótýi tıis», - dep habarlaǵan aqparat agenttigine Astanadaǵy senimdi derek kózi.

Qoldanystaǵy zańnama boıynsha, Májilis depýtattarynyń saılaýy palata depýtattarynyń ókilettigi aıaqtalýynan eki aıdan kesh emes merzimde ótýi tıis. Qazirgi Májilis depýtattary 2012 jyldyń qańtar aıynda saılanǵan bolatyn. Onda «Nur Otan» partıasy 80,99 paıyz, «Aq jol» partıasy 7,47, Qazaqstannyń halyqtyq komýnıstik partıasy 7,19 paıyz daýys jınaǵan edi.

Qazaqstan Konstıtýsıasyna saı, búginde Májiliste 107 depýtat bar. olardyń 98-i partıalyq tizim boıynsha, 9-y Qazaqstan halqy Assambleıasy atynan saılanady. Kezekten tys parlament saılaýy qoldanystaǵy zańnamaǵa saı depýtattardyń ókilettigi merziminen buryn toqtatylǵannan keıin eki aı merzim ishinde ótýi kerek.