QR Parlamenti Májilisi Qazaqstan halqyna, Elbasy Nursultan Nazarbaevqa ózin-ózi taratý týraly úndeý joldady. QR Parlamenti Májilisiniń depýtattarynyń Parlament Májilisi men barlyq deńgeıdegi máslıhat depýtattarynyń kezekten tys  saılaýyn ótkizý týraly úndeýdiń qazaq tilindegi mátinin depýtat Nurlan Ábirov, orys tilindegi mátindi Qazaqstan halyqtyq komýnıstik partıasy fraksıasynyń depýtaty V. Kosarev jarıa etti, - dep habarlaıdy «Qamshy» portaly qazaqstandyq BAQ-tarǵa silteme jasap.

 «Biz - Májilistegi «Nur Otan», «Aq jol», Qazaqstannyń halyqtyq komýnıstik partıasynyń parlamenttik fraksıalarynyń  ókilderi, elimiz úshin eń taǵdyrly kezeńde tarıhı máni bar úndeý jarıalaý úshin jınalyp otyrmyz. Qazaqstan halqyna jáne Elbasyna joldaıtyn úndeýimiz Ult jospary men daǵdarysqa qarsy sharalardy qaı partıanyń júzege asyrýyn aıqyndaıtyn halyqtyń senim mandatyn anyqtap alýdy kózdeıdi», - dedi úndeýdi oqyǵan V. Kosarev.