Ánshi Arman Qońyrdyń úıinde túsirilgen “Juldyzdy shańyraq” baǵdarlamasyn tamashalaǵan halyqtyń deni Asha Mataıdy kóp sóıleıtin kelinge teńedi jáne qyzyn kóp maqtaǵan ákesiniń áńgimesin ábestikke sanady, - dep habarlaıdy «Qamshy» portaly Nur.kz-ke silteme jasap.
Asha Mataıdyń ákesi “Obratnaıa storona” fılminde basty rólderdiń birin somdaǵan qyzyna jalańash kúıinde dýshqa túsetin epızod jaıynda usynys túsken sátti dastarhan basyndaǵy jurttyń kózinshe baıandap berdi. Alǵashynda kınoǵa túsýden bas tartqan Ashaǵa ákesi óz keńesin aıtqan.
“Sen perdeniń artynda turasyń. Tús. Onda turǵan ne bar? Dýshtyń ar jaǵynda ádemi qyzdyń sılýeti, ony búkil Qazaqstan kórý kerek, kıimmen emes, bylaı da ádemi ekenińdi, sen bireýmen qushaqtasyp, súıisip turǵan joqsyń, jalǵyz óziń dýshqa túsip tursyń dedim. Kórsetetin jeriń bar eken, kórset dedim “, – dep aǵynan jaryldy Ashanyń ákesi.
Al anasynan mundaı usynysqa degen pikirin suraǵan jýrnalıske ánshiniń anasy taǵy bir “qyzyqty” jaǵdaıdy ortaǵa saldy.
“Bir kúni Asha sahnalyq kóılegin úıde umytyp ketip, konsertke basqa kóılek kıip shyǵýyna týra keldi. Álgi kóılegi qysqa bolatyn. Konsertten keıin ákesi Ashany kórip, “qyzym osyndaı kóılek kıip júr, taǵy da qysqaraq kıseń, “seksýalnyı” bolasyń” dedi. Mine ákemiz osyndaı “, – dedi Ashanyń anasy Bátes.
Ashanyń jubaıy Arman da, onyń ata-anasy da baǵdarlama barysynda ustamdy bolyp, kósilip sóılegen joq. Tek kelinderiniń aqjarqyn ekenin aıta otyryp, oramal taqpaýǵa ruqsat bergenin aıtyp ótti.
Baǵdarlamany teledıdardan tamashalaǵan jeli qoldanýshylary qos ánshiniń úıindegi suhbatty qyzý talqyǵa saldy. Biri qudalarynan qysylmaǵan Ashanyń ákesin sókse, biri tym kóp kúlgen Ashany synaýda.
“Búkil baǵdarlamany qarasaq, Asha óte kóp sóıleıdi eken, kúıeýi, qaıyn aǵasy, enesiniń aldynda kóp kúle beretini de ersileý me, bilmeımin, sizde shynaıylyqtan góri jasandylyq basym sıaqty. Renjimeńiz”, – dep jazady Aınur Sabyr esimdi qoldanýshy.
Tyńdarmandar Asha Mataıǵa kelinniń kishireıip júretinin, erinen buryn sóz bastamaǵany durys ekenin jarysa jazýda.
