Qytaıdaǵy İle Qazaq aımaǵynda birneshe myń asyqtan úlken asyq músini qurastyryldy, - dep habarlaıdy «Qamshy» portaly.

Ulttyq sport túrlerin keńinen taratý, deńgeıin kóterý maqsatynda óńirde birqatar oń ister qolǵa alynýda. İle Qazaq aımaǵyna qarasty Kúnes aýdanynyń №5 orta mektebi ulttyq dástúr tárbıesin mektep baǵdarlamasyna engizgen bilim ordasy. Ony tek sabaq retinde oqyp qana qoımaı, ult dástúrlerin urpaq sanasyna quıýmen ushtastyra bilgen. Sonyń bir mysaly -  oqýshylar qolymen jasalǵan alyp asyq músini.  Ony jasaý úshin kádimgi asyqtardyń 10 myńǵa jýyq danasyn jınaýǵa týra kelgen. Osynsha kóp asyqtan jasalǵan músinniń bıiktigi 2,6 metr, eni 90 santımetr, uzyndyǵy 1,3 metr bolǵan. Músindi qol ónerge baýlıtyn muǵalimderdiń kómegimen 10 oqýshy aqyldasa otyryp, jasap shyqqan. Bul jumysqa oqýshylar 1 aı ýaqyt arnaǵan.

Formasy kelisti, nyǵyz da sapaly asyq kóptiń kózaıymyna aınalyp, oń baǵa ıelendi. Odan da qýanyshtysy, mektep basshylyǵy ǵylymı túrde tizilip, sheber týyndyǵa aınalǵan asyq músinin Gınnestiń rekordtar kitabyna engizýge usynyp otyr. Soǵan oraı, Shanhaı Gınnes rekordtaryn baǵalaý bas shtabyna tıisti qujattar jınastyrylyp jatyr.