Bıyl – Alashtyń Álıhany, «Alash» partıasynyń jetekshisi, ult kósemi Álıhan Bókeıhannyń 150 jyldyǵy. Osy ataýly dataǵa oraı qoǵamda túrli bastamalar kóterilip, ult qaıratkeriniń esimin ulyqtaýdy maqsat etken usynystar kóptep aıtylýda. Almatylyqtardyń bir toby qaladaǵy Fýrmanov dańǵylyna Álıhan esimin berý máselesin kótergeni belgili. Endi tqaladaǵy bir top jastar áleýmettik jelide Alataýdyń buǵan deıin «Fýrmanov» atymen atalyp kelgen bir shyńyna Álıhan Bókeıhannyń esimin berýdi kóterip otyr. «Qamshy» portaly osy ıgi bastamanyń basy-qasynda júrgen azamat, belgili kásipker Ahmetbek Nursıla myrzany áńgimege tartqan edi.

Jurt «Fýrmanovka» dep atap ketken shyńǵa Álıhan Bókeıhannyń atyn bergeli jatyr ekensizder, bul oı qalaı keldi?

Biz dostarymyzben sońǵy on jyl boıy Alataýdyń barlyq shyńdaryna shyǵyp kelemiz. Barlyǵy oryssha ataýlarmen atalay, Qazaqtyń sondaı keremet jerlerin ataıtyndaı qazaqta sóz joq pa dep, únemi kókeıde júretin. Sonymen osy joly ózim bas bolyp, qolaýshylar tabylyp, uıymdastyryp jatyrmyz. Ózderińiz bilesizder bıyl Álıhan Bókeıhan atamyzdyń 150 jyldǵy, «Alash, Alash» dep qur aıǵaılaı bergennen túkte shyqpaıdy, naqty qadamdar kerek, urpaqtyń sanasyna sińetin jumystar kerek. Sol naqty qadamdy biz osylaı bastap otyrmyz. 31 qańtar kúni «Bıznes bastaý» kásipkerlik mektebiniń komandasynyń atsalysýymen Almatylyqtardy ertip baryp, sol shyńǵa «Álıhan shyńy» degen ataý bermekpiz. Arnaıy vıdeoǵa jazyp, Respýblıkalyq Onomostıkalyq komıtetke usynys jasaımyz.

Bundaı bastamalardy jurt qalaı qabyldap jatyr?

Qoldaýshylardyń sany óte kóp, áleýmettik jelide qany bar qazaqtardyń barlyǵy jazyp jatyr, ózge oblystardan da qolaý bildirip, óz aımaqtaryndaǵy oryssha jer ataýlaryna qazaqsha ataý berý jaǵyn oılastyryp jatqandar bar. Bizde bir túrli enjarlyq bar, boıkúıez, marǵaýmyz. Bolmasa, táýelsiz elmiz, baıtaq dalamyz bar, kópshiligin orys tilinde aıtyp júrmiz. Biz osy joly shyńǵa shyǵyp kelgennen keıin, birden TV, BAQ, áleýmettik jelilerge tarata bastaımyz. Sonda, beıresmı túrde birden «Álıhan» shyńy dep atalatyn bolady. Osyndaı bastamalardy el bolyp kóterýimiz krek. Alash arystaryn qalaı ulyqtasaq ta jarasady.

Bul bastamalaryńyz osymen toqtap qalmaı ma? Qoǵamda jalǵasyn taba ma?

Ózim jetekshilik etetin «Bıznes-bastaý» kásipkerlik mektebi jastarǵa tek bıznes týrasynda emes, basqa da is sharalardy uıymdastyryp otyramyz. Salaýatty ómir salty, ulttyq qundylyqtarǵa beı-jaı qaramaý, qaıyrymdylyq, t.b jumystardy kúndelikti bolyp turady. Jeksenbi saıyn taýǵa shyǵamyz, ulttyq merekelerdi toılaımyz, qaıyrymdylyq is-sharalaryn uıymdastyramyz, keńsemizde shaǵyn jattyǵý zaly ornalasqan. Bul is-sharada otanyn, memleketin súıýge jeteleıtin jumys, tek osymen toqtamaımyz, josparlarymyz óte úlken.

Áńgimeńizge rahmet!