QR Prezıdentiniń baspasóz hatshysy Dáýren Abaev Aqordanyń "Feısbýktegi" paraqshasynda «Nur Otan» partıasynyń atynan úmitkerler tizimine sportshylar men ártisterdiń enýine baılanysty tilshilerdiń suraǵyna jaýap berdi, - dep habarlaıdy "Qamshy" portaly.

«Áleýmettik jelilerdiń paıdalanýshylary «Nur Otannyń» partıalyq tiziminde sportshylar men ártisterdiń bolýyna birtúrli qarady. Parlamentte halyq súıiktileri emes, daıyndalǵan jáne tájirıbeli mamandar kerek ekeni týraly pikir aıtyldy. Osy máselege qandaı túsinikteme beresiz?» degen suraqqa ol:

 «Men jelide aıtylǵan sózderdiń kóbi ázil dep oılaımyn.  Eger bireý bul máseleni shyndap  kóterse, onda búkil tizimdi muqıat qaramaǵan bolar. «Nur Otan» partıasynan depýtattyqqa úmitkerlerdiń sany - 127 adam, sonyń ishinde sport pen shoý-bıznes juldyzdary - nebári 6-7 adam. Olar tizimde qazaqstandyqtar úshin eń kóp tanymaldylyǵynan erekshelengen shyǵar.

Tizimge jalpy alǵanda keletin bolsaq, meniń oıymsha, ol maksımaldy túrde úılestirilip, jańa ekonomıkalyq jaǵdaıdaǵy tıimdi jumysqa baǵyttalǵan.    Onda oryndardaǵy jumystyń qyr-syryn biletin, áleýmettik sala, energetıka, bıznes jáne ózge de salalarda jumystyń baı tájirıbesi bar aımaqtardaǵy partıalyqtar bar.

Budan basqa, partıalyq tizimge memlekettik basqarýdyń eń jaýapty ýchaskelerinde qyzmet atqaratyn adamdar kirdi», - dep jaýap berdi D.Abaev Aqordanyń Feısbýktegi resmı paraqshasynda.