Búgingi Úkimet otyrysynda birqatar óńir Qarjy mınıstri Baqyt Sultanovtyń synyna ilikti, - deıp habarlaıdy «Qamshy» portaly 24.kz-ke silteme jasap.
Onyń aıtýynsha, zańdastyrý boıynsha ótinishterdi qaraý merzimi mejeli ýaqyttan asyp ketken jaıttar jetip artylady. «Mundaı jaǵdaı ásirese Almaty oblysy men Astana qalasynda jıi kezdesedi», - deıdi vedomstvo basshysy.
Jekeshelendirý jaıy da Úkimet úıindegi talqylaýdyń negizgi ózegi boldy. Múlikti zańdastyrý jumystarynyń barysy, aıaq alysy týraly Qarjy mınıstri Baqyt Sultanov jan-jaqty aqparat berdi. Qoı jylynyń aıaǵyna deıin 428 mlrd teńge zańdastyrylǵan. 2015 jyldyń jeltoqsanynda jekeshelendirýge baılanysty jańa zańnama kúshine engen bolatyn. Jańa shart óz jemisin berýde. Osylaısha, 2 aıda 160 mlrd teńge zańdastyrylyp úlgergen.
Baqyt Sultanov, QR Qarjy mınıstri:
- Jospardy búgin bekittik. Ary qaraı barlyq óńirlermen, ortalyq, jergilikti atqarýshy organdarmen, Ulttyq bankpen tıisti jumys júrgizetin bolamyz. 2 aıdyń ishinde birshama qarajat túsip jatyr. Jalpy somasy 600 mlrd-tan asty. Qarjy mınıstri qarqyndy jumys istep jatqanyn alǵa tartady. Sońǵy 4 aıda 700-jýyq maqala jarıalanǵan. 1500 sújet telearnalarda shyǵyp, 1600 jıyn ótken. Sultanov birqatar bankterdi jurshylyqty aqparattandyrýda aqsap turǵanyn aıtyp, syn qyryna aldy. Sonymen qatar, Premer-Mınıstr birneshe oblys basshylarynyń esebin tyńdady. Jekeshelendirý máselesi boıynsha jıynnyń endi aıyna bir ret ótetinin jetkizdi.
