Qazaqstan memlekettik syrtqy qaryzdardyń ishki jalpy ónimge shaqqandaǵy kórsetkishi boıynsha TMD men Shyǵys Eýropa elderin basyp ozdy, - dep habarlaıdy «Qamshy» portaly "BG Delovaıa gazeta" jarıalaǵan derekterge silteme jasap.

Elimizdiń syrtqy qaryzynyń İJÓ-ge shaqqandaǵy kórsetkishi 5,3 paıyzdy quraǵan. Reseıde bul kórsetkish 3,2 paıyzǵa teń. Eń úlken paıyzdyq kórsetkishterge syrtqy qaryzy kúrt artyp ketken Slovenıa men Ýkraına ıe bolǵan.

Sonymen qatar, basylym Qazaqstannyń syrtqy memlekettik qaryzy syrtqy jalpy qaryzdyń (SJQ) 7,2 paıyzyna teń ekenin aıtady. Biraq, memlekettiń fırmaralyq nesıelendirý boıynsha syrtqy qaryzy óte joǵary – 52,6 paıyzdy quraǵan. Qazaqstannyń 2015 jylǵy 3 toqsandaǵy fırmaralyq syrtqy nesıelendirý kólemi 81,62 mıllıard dollarǵa jetken. Osy arqyly Reseı men Polshadan keıingi úshinshi oryndy ıelenip otyr.

Basylym fırmaralyq nesıelendirý, syrttan tartylǵan ınvestısıa kóleminiń jan basyna shaqqandaǵy kórsetkishteri boıynsha Qazaqstannyń ekinshi orynǵa shyqqanyn aıtady. Birinshi oryndy 90-jyldan beri batys Eýropa elderi qarjy quıyp kelgen Vengrıa ıelenip otyr. Sondaı-aq, maqala avtorlary tek Qazaqstanda ǵana sońǵy 10 jyl kóleminde SJQ men jyldyq İJÓ-niń qatynasy ózgermegenin aıtady.