Fransıa bıligi bıznesmen Muhtar Áblázovty Qazaqstanǵa qaıtaryp berýi múmkin. Ol úshin elimizdiń Bas prokýratýrasy bir top sarapshyny Parıjge jibermek. Otandyq prokýrorlar qashqyn bankırdi  ekstradısıalaýǵa qatysty  ekijaqty kelissóz júrgizýge daıyndalyp jatyr, - dep habarlaıdy «Qamshy» portaly KTK arnasyna silteme jasap.

Iogann Merkel, QR Bas prokýrorynyń orynbasary:

-Úlken jumystar atqarylýda. Jaqyn kúnderi sarapshylardy Parıjge jiberemiz. Bizdiń mamandar eki el arasyndaǵy úsh kelisim boıynsha jumys isteýi tıis. Ázirge Fransıa qarsylyq bildirgen joq, kelisim berýi kerek.

Astana men Parıj quqyqtyq kómek, ekstradısıa jáne sottalǵan azamattar jazasyn  elde óteý úshin qaıtarý syndy úsh máseleni talqylaıdy. Óıtkeni qazir eki el arasynda mundaı kelisim joq.  Sondyqtan, Fransıa soty Muhtar Áblázovty Reseıge  qaıtaryp berý týraly sheshim shyǵarǵan edi. Al qashqyn bankırdi Máskeýden ózge Qazaqstan men Ýkraına da ekstradısıalýǵa ótinish bildirip otyr. Eks-bankırge  úsh memlekettiń de quqyq qorǵaýshylary  «alaıaqtyqpen aınalysty, jalǵan qujat jasady, qyrýar qarjy jymqyrdy»  degen aıyptar taǵyp otyr.