Almaty qalasynyń ákimi Baýyrjan Baıbek BUU Bas hatshysynyń orynbasary Shamshad Ahtar hanymmen kezdesti, - dep habarlaıdy «Qamshy» portaly.

Kezdesý barysynda Sh. Ahtar «Almaty - 2020» damý baǵdarlamasy qalany turaqty damytýdyń birden-bir joly ekendigin atap ótti. Sondaı-aq ol álemdegi iri megapolısterde damý máselesine aıryqsha nazar aýdarylatyndyǵyn aıtty.

Sondaı-aq, álemde keńinen nasıhattalyp jatqan «Smart City» (Aqyldy qala) tujyrymdamas da sóz boldy.

«Búgingi kúni Ońtústik Koreıa osyndaı qalalardy qalyptastyrý jaǵynan alda keledi. Taıaý ýaqytta Úndistanda 100 aqyldy qala paıda bolsa, Qytaı 221 aqyldy qalany quratyndaryn jarıa etti», - dedi Shamshad Ahtar.

Kezdesý barysynda BUU Bas hatshysynyń orynbasary qala ákimi B. Baıbekti Taılandtyń Bangkok qalasynda ótetin Ońtústik - Shyǵys Azıa elderiniń jyl saıynǵy konferensıasyna qatysýǵa shaqyrdy. Bul konferensıada megapolısterdi damytý tájirıbeleri ortaǵa salynatyn bolady.

Kezdesý sońynda taraptar budan bylaı da jemisti yntymaqtastyqqa senimdi ekendikterin aıtty.