وتباسى، وتاعاسى، وتاناسى سياقتى سوزدەردىڭ بارلىعىنىڭ ءتۇبىرى وت سوزىنەن، ودان ارى قازبالاساق وتاننان باستالاتىنى تۇسىنىكتى عوي. نەگە ادام بالاسى ءومىر بويى كىندىك قانى تامعان جەرىن، تۋعان جەرىن اڭساپ، ساعىنىپ-سارعايىپ وتەدى. ونىڭ ءبارى كىشى وتانعا قۇرمەت، اتا-بابالاردان عاسىرلار بويى ساقتالىپ كەلە جاتقان تۋعان جەرگە دەگەن ەشقاشان دا سارقىلمايتىن ساعىنىش.
قاي زاماندا دا حالقىمىز وتباسىنىڭ اماندىعىنا، ونىڭ مۇشەلەرىنىڭ بىر-بىرىمەن ۇزىلمەيتىن نازىك سەزىمدەرمەن، تاڭعى شىقتاي پاك كوڭىلمەن ارالاسىپ-قۇرالاسىپ، ەشقاشاندا ۇلكەندەردىڭ الدىن كەسپەي، كىشىلەرگە قۇرمەتپەن قاراپ ءتىپتى اتىن اتاماي سىيلاي بىلگەن-سىيلاسا بىلگەن. تۇسىنە بىلگەن ادامعا، قايناعالارى مەن اتا-ەنەلەرىنەن باستاپ، قايىندارى مەن قايىنسىڭلىلەرىنە دە ءارتۇرلى ات قويىپ ەركەلەتىپ «ەركەجان»، «مىرزاجىگىت»دەپ اتاۋى تاماشا ەمەسپە؟ ال اتاسىنىڭ بالاسى سانالاتىن نەمەرە-شوبەرەلەر شە؟ «اكە كورگەن وق جونار، شەشە كورگەن تون پىشەر»–دەگەن قاعيداتپەن جاستارعا، بولاشاق وتباسىن قۇراتىندارعا ناعىز ۇلگى-ونەگە كورسەتۋگە تۇرارلىق تاپتىرمايتىن تاجىريبە ەمەس پە؟ كەبەجە ەسىمدى اتاسىن «ءتورتقۇلاق» - دەپ، جاعى ءبىر تىنبايتىن قاينىسىن «تاقىلداق» - دەپ اتاعان،اتا-ەنەسىنىڭ بالاسى سانالعاندىقتان، تۇڭعىشتارىنىڭ اتىن اتاماي،
«بوبەك»، «ءالدي»، «الاقاي»، «ساربالا» - دەپوتكەن انالارىمىز اقىلدىڭ دا، دۇرىس ناقىلدىڭدا كوزى. كەيبىرەۋلەر وندا تۇرعان نە بار دەۋى مۇمكىن، ءبىراق ءبىزدىڭ ەشكىمگە دە ۇقسامايتىن ۇلتتىق ەرەكشەلىگىمىز بەن ءسالت-داستۇرىمىزدىڭ تامىرى تەرەڭدە.
وتباسىنداعى وتاعاسىنىڭ ورنى وتە ۇلكەن، ونىڭ ايتقان ءاربىر ءسوزى بۇلجۇماي ورىندالۋعا ءتيىس بۇيرىقتاي. «اكەڭ جىندى بولسا بايلاپ ب ا ق» دەگەن ءسوزدى بەكەر ايتپاعان اتالارىمىز.سەبەبى، ول سەنىڭ اكەڭ ومىرگە كەلتىرگەن، ول قانداي ادام بولسا دا ونى قانداي جاعدايدا بولماسىن بالا-شاعاسى تاستاماي باعۋعا مىندەتتى. وكىنىشكە وراي قازىرگى كەزدە اتا-اناسىن قارتتار ۇيىنە اپارىپ تاستايتىندار بار ەكەنى ءومىردىڭ اششى شىندىعى. قانشا جەردەن قارنى توق بولعانىمەن، كوڭىلى توق ەمەس، نەمەرە-شوبەرەلەرىن ءبىر يىسكەۋگە زار بولىپ وتىرعان قارتتار قانشاما؟
وتباسىلىق قۇندىلىقتاردى ساقتاۋدىڭ ماڭىزى زور. ەلىمىزدە حالىق سانىنىڭ ءوسۋى وتباسىلاردىڭ ساقتالۋىمەن، ۇلتتىق نەگىزدە تاربيە بەرۋدىڭ،
كوپ بالالى وتباسىلاردىڭ ۇلگى تۇتۋدىڭ ارقاسىندا عانا ىسكە اساتىنى ايقىن. سوڭعى جىلدارى «مەرەيلى وتباسى» بايقاۋىندا دا كوپ بالالى، وسىپ-ونگەن، تامىرىن تەرەڭگە جىبەرگەن، ۇرپاقتار ساباقتاستىعى جاراسىمدى جالعاسقان وتباسىلاردىڭ جەڭىسكە جەتىپ جاتۋى وسىعان دالەل.
وتباسىن نىعايتۋ مەن داستۇرلەردى ساقتاۋ مەملەكەتتىلىگىمىزدى دامىتۋدىڭ كەپىلى. سوندىقتان دا ءبىز وتباسىنىڭ مەرەيىن بارىنشا ۇستەم ەتە بەرۋىمىز كەرەك.
بايعالي ءابدالى ۇلى،
«نۇر وتان» پارتياسى بوستاندىق
اۋداندىق فيليالىنىڭ كەڭەسشىسى.
