سۇلتان دانيارقان ۇلى 1972 جىلى شىڭجاڭنىڭ قورعاس اۋدانىندا تۋىلعان، ءقازىر جۇڭگو عىلىم اكادەمياسى، شىڭجاڭ ەكولوگيا جانە گەوگرافيا زەرتتەۋ فيليالى، كەڭەستىكتەن جەر بەتىن ولشەۋ جانە جۇيەنى سيمۆولداۋ زەرتتەۋ ءبولىمىنىڭ قىزمەتكەرى، دوكتور، ماگيستراتۋرا جەتەكشىسى. 1998-2001 جىلدار ارالىعىندا حىحاي ۋنيۆەرسيتەتىندە ەگىستىك جەرلەردىڭ سۋ ىستەرى كاسىبىن وقىعان. 2001-2005 جىلدارى اتالمىش ۋنيۆەرسيتەتتە «وسى زامان اۋىل شارۋاشىلىعى سۋ-توپىراق قۇرىلىسى» ماماندىعىن يگەرىپ، دوكتورلىق قورعادى.

سۇلتان 2008 جىلى «شىڭجاڭ جاس عىلىمي قىزمەتكەرلەرى قوعامى» ءتوراعاسىنىڭ ورىنباسارى بولىپ سايلانسا، 2010 جىلى «شىڭجاڭ توپىراقتانۋ عىلىمى قوعامىنىڭ» ورىنباسار باس حاتشىسى بولىپ تاعايىندالعان؛ «قۇرعاق ءوڭىر گەوگرافياسى»، «جاراتىلىستىق عىلىم»، «گەولوگيا عىلىمى اقپارات گازەتى»، «شىڭجاڭ اۋىل-شاراۋشىلىق عىلىمى» سىندى بەلدى باسىلىمداردا رەداكتور قىزمەتىن اتقاردى.  2012 جىلى جۇڭگو عىلىم اكادەمياسى، شىڭجاڭ ەكولوگيا جانە گەوگرافيا زەرتتەۋ فيليالى، ىلە وزەنى ءوڭىرىنىڭ ەكولوگياسىن زەرتتەۋ پۋنكتىنىڭ ورىنباسار باستىعى مىندەتىنە تاعايىندالعان.

2009 جىلى  «قىتاي-جاپون جاستار جانە جاسوسپىرىمدەر تاجىريبە الماستىرۋ جىلى» اياسىندا جاپونيادا ءىسساپاردا بولدى. 2011 جىلى قازاقستاندا اشىلعان 4-كەزەكتى «بۇكىل جەرشارى ەنەرگياسى جانە ەكولوگيالىق ستراتەگيانى باياندى دامىتۋدىڭ «RIO-20in2012» باس قوسۋ جيىنىنا قاتىسقان؛ .

2011 جىلى فرانسيادا وتكەن 3 كەزەكتى «قۇرعاق جانە جارتىلاي قۇرعاق وڭىرلەردىڭ سۋ، ەكولوگيالىق جۇيەسىن باياندى دامىتۋ» حالىقارالىق كونفەرەنسياسىنا قاتىسقان.

عىلىمي ماقالالارى:

 «جاقىنعى 40 جىلداعى تيان-شاننىڭ سولتۇستىك بەتكەيى اۋارايىنىڭ جانە ەكولوگيالىق ورتاسىنىڭ جەرشارىنىڭ جىلىنۋىنا بولعان اسەرى»، «جاسىل القاپ پەن ءشول دالا اراسىنداعى ءوڭىردىڭ GSVAC سۋ، جىلۋ تاسىمالىن سيمۆولداۋ جۇيەسى»، «تارىم وزەنى تومەنگى اعارى قۇمايتتانۋىنىڭ جەر استى سۋىنا بولعان اسەرى»، ت.ب.