ەڭبەك جانە حالىقتى الەۋمەتتىك قورعاۋ مينيسترلىگى قازاقستانداعى ورتاشا زەينەتاقى مولشەرىن جاريالادى.
مينيسترلىك مالىمەتىنشە، جىل باسىنان بەرى قازاقستاندىقتارعا 3،1 تريلليون تەڭگەدەن اسا زەينەتاقى تولەنگەن. ونىڭ ىشىندە بازالىق زەينەتاقى تولەۋگە 1 تريلليون 22،1 ميلليارد تەڭگە، ىنتىماقتى زەينەتاقى تولەۋگە 2 تريلليون 136 ميلليارد تەڭگە قاراستىرىلعان.
1 قازانداعى جاعداي بويىنشا زەينەتكەرلەر سانى - 2 ميلليون 510 مىڭ ادام.
"1 قازانداعى جاعداي بويىنشا رەسپۋبليكالىق بيۋدجەتتەن تولەنەتىن جيىنتىق زەينەتاقىنىڭ ورتاشا مولشەرى - 142 810 تەڭگە، ونىڭ ىشىندە ىنتىماقتى زەينەتاقى مولشەرى - 95 249 تەڭگە، بازالىق زەينەتاقى مولشەرى - 47 561 تەڭگە"، - دەپ جازىلعان حابارلامادا.
