تۇرىك حالقى تۇركيانىڭ 93 جىلدىعىن مەرەكەلەپ جاتىر دەپ حابارلايدى «قامشى» پورتالى. وسىدان 93 جىل بۇرىن، اتاتۇرىك باستاعان تۇرىك ۇلى ۇلت ءماجىلىسى تۇركيا رەسپۋبليكاسىن جاريالاعان بولاتىن.
تۇركيا ءۇش تاراپى تەڭىزبەن قورشالعان، ەۋرازيانى جالعا تۇرعان مەملەكەت. جەر اۋدانىنىڭ 3 پايىزى ەۋروپا قۇرلىعىندا ورنالاسقان. جەر كولەمى جاعىنان 37-شى ورىن الادى (783،562 كم²). ءبىرىنشى دۇنيەجۇزىلىك سوعىستا وسمانلى يمپەرياسىنىڭ ىدىراۋىنان ومىرگە كەلدى.
تۇركيا تۋرالى شاعىن مالىمەتتەر بەرە كەتسەك، تۇركيا كونستيۋسياسى بويىنشا تۇرىك توپىراعىندا تۋعان كەز كەلگەن ادام تۇرىك بولىپ سانالادى. تۇرىك اكەدەن دە، تۇرىك شەشەدەن دە تۋعان بالا تۇرىك بولىپ ەسەپتەلەدى. حالقىنىڭ 85 پايىزى تۇرىكتەر. تۇركيا قۇرىلعاننان كەيىن ەكونوميكاسىن اۋىل-شارۋاشىلىعىنا باعىتتادى. تۇركيا ەكىنشى دۇنيەجۇزىلىك سوعىسىنا قاتىسپاعان ساناۋلى ەلدەردىڭ ءبىرى. تۇركيا بىرلەسكەن ۇلتتار ۇيىمىن قۇرعان 50 ەلدىڭ ءبىرى رەتىندە 1945 جىلدىڭ 24 ماۋسىمىندا ۇيىمعا مۇشە بولدى.
تۇرىك رەسپۋبليكاسى العاشقى كونستيۋسياسى بويىنشا يسلام ءدىنىن مەملەكەتتىك ءدىن ەتىپ جاريالاعان. 1924 جىلى 3 ناۋرىزعا دەيىن مۇسىلمان حاليفاتى ءومىر ءسۇردى. حاليفالىق جويىلعاننان كەيىن، كوپ ۇزاماي زاڭ رەسپۋبليكانى زايىرلى ەل دەپ سيپاتتادى. بۇگىندە تۇركيادا 10 شىلدەدەگى اقپارات بويىنشا 86 مىڭ 762 مەشىت بار. ونىڭ 3 مىڭ 318ء-سى ىستامبۇلدا ورنالاسقان.
تۇرىك حالقى وزدەرىن تىكەلەي تۇرىك قاعاناتىنىڭ، كوكتۇرىكتەردىڭ ۇرپاعىمىز دەپ سانايدى. تاريحىن 2000 جىلدان استام ۋاقىتقا سوزىلادى دەپ جازادى.
تۇركيا G20 مۇشەسى بولسا دا، الەمدە دامۋشى ەلدەردىڭ ءبىرى بولىپ سانالادى. الايدا، ەكونوميكاسى الەمدە جالپى ىشكى ءونىمى بويىنشا 18ء-ى، جالپى ۇلتتىق ءونىمى بويىنشا 17-ورىندا. 1994 جىلى 15 ساۋىردە دسۇ-عا مۇشە بولدى. ەۋروپا ەكونوميكالىق ىنتىماقتاستىق جانە دامۋ ۇيىمىنىڭ، ەۋروپا وداعى كەدەن وداعىنىڭ، قاراتەڭىز ەكونوميكالىق ارىپتەستىگى ۇيىمدارىنىڭ دا مۇشەسى. ەكونوميكاسى نەگىزىنەن تۋريزم مەن اۋىل-شارۋاشىلىق، تاسىمال مەن يندۋسترياعا باعىتتالعان. ىستامبۇل مەگاپوليسى ارقىلى الەمدە ەلەۋلى قارجى سەكتورىن دا قولعا ۇستاپ وتىر.
تۇركيا قازاقستان تاۋەلسىزدىگىن العاشقى بولىپ تانىدى. ەكى ەل اراسىندا ديپلوماتيالىق قاتىناس 1992 جىلى 2 ناۋرىزدا ورناتىلدى.
