پرەزيدەنت رەسەيلىك ارناعا بەرگەن سۇحباتىندا ەكونوميكالىق ماسەلەلەرگە توقتالعان. ول:

«بىزدە ءبارى بار. مۇناي دا، ءتۇستى مەتالدار دا. ەندى، وسىنىڭ بارلىعىن وڭدەۋگە تىرىسۋ قاجەت. يندۋسترياليزاسيانىڭ باستى ماقساتى دا وسى. مۇناي ارزانداسا، ونى وڭدەپ، دايىن ءونىم رەتىندە ساتۋ قاجەت. گاز دا سولاي. نەگىزى، مۇناي xيمياسىنان پلاستماسقا دەيىن ءونىمنىڭ ءتۇر-تۇرىن جاساۋعا بولادى. قۇرىلىس ماتەريالدارى جانە تاعىسىن تاعى. وعان قوسا، الليۋمينيي، مىس سياقتى مەتالدار بار. ال شيكىزاتتى وڭدەپ، دايىن ءونىم رەتىندە ساتسا، ودان دا كوپ پايدا تابۋعا بولادى»، - دەگەن ەلدىڭ الەۋەتىن كوتەرۋدىڭ جولىن نۇسقاپ.

وسى ورايدا پرەزيدەنت قازاقستان مەن رەسەيدىڭ اگرارلىق كەشەن جاعىنان ۇقساس ەكەنىن ەسكە سالدى. الايدا وسى سالاداعى شيكىزات تا دۇرىس وڭدەلمەيدى. «قازاقستاندا دا، رەسەيدە دە ۇلكەن اگرارلىق كەشەن بار. الايدا ءبىز بيدايدى دا، ەتتى دە، ءسۇتتى دە، كوكونىستى دە اياعىنا دەيىن وڭدەمەيمىز. ەۋروپادان دايىن كونسەرۆىلەردى ساتىپ الا سالامىز. ونى ءوزىمىز نەگە ىستەمەيمىز؟.. ال ەندى وسىنىڭ ءبارىن وڭدەپ الۋ ءۇشىن ماشينا جاساۋ ونەركاسىبىن بارىنشا دامىتۋ قاجەت. ول ءوندىرىس زامانعا ساي بولۋى شارت. ماسەلەن، مۇنايدى وڭدەۋ ءۇشىن زاماناۋي مۇناي وڭدەۋ زاۋىتى قاجەت. ول قۇرال-جابدىقتار وتە قىمبات. مىنە، وسىنى قولعا العان ءجون. سوسىن نانوتەxنولوگيالار، بالامالى ەنەرگەتيكا، بيوxيميا سياقتى عىلىمي-تەxنولوگيالىق جۇمىستاردى دا ۇمىتپاۋ قاجەت. ءبىر جاعىنان رەسەيگە سانكسيا سالعان دۇرىس بولدى. ءقازىر وعان جاقسى ءبىر سەرپىلىس كەرەك. بىلەكتى سىبانىپ، جۇمىسقا كىرىسسە، ءبىر جەردەن جارىپ شىعادى»، - دەپ اتاپ كورسەتتى مەملەكەت باسشىسى.

ايتا كەتسەك، وتكەن جىلدىڭ باسىندا مۇناي باعاسى قۇلدىراي باستاعان سوڭ، قازاقستان ۆاليۋتا باعامىن ەركىن اينالىمعا جىبەرىپ، داعدارىسپەن بەتپە-بەت قالعان ەدى.