وگايو شتاتىنداعى ۋنيۆەرسيتەتتە وقيتىن ستۋدەنت دۇيسەنبى كۇنى ۋنيۆەرسيتەت كامپۋسىندا قولىنا پىشاق الىپ، شابۋىل جاسادى. سالدارىنان 11 ادام جارالاندى، 1-ەۋى اۋىر حالدە جاتىر. وقيعا فەدەرالدىق تەرگەۋ بيۋروسى بويىنشا حابارلانىپ وتىر، الايدا مۇنىڭ تەررورلىق ارەكەتكە قاتىسى بارى جايلى ناقتى مالىمەت جوق.

  انگشۋمان كاپيل ەسىمدى كۋاگەردىڭ ايتۋىنشا، شابۋىلداۋشى ستۋدەنت  جولىندا كەزدەسكەننىڭ بارىنە پىشاق سىلتەدى. وسىدان كەيىن شۋ شىعىپ، ءبارى جان-جاققا قاشا باستاعانىن ايتتى.

  11 ادامدى جاراقاتتاعان ستۋدەنتتىڭ ءاتى-جونى بەلگىلى بولدى. ول 18 جاستاعى سوماليلىك ابدۋل رازاك الي ارتان. ابدۋل رازاك وسىعان دەيىن ءوزىنىڭ جاڭا ۋنيۆەرسيتەتىنىڭ كامپۋسىندا، قوعامدىق ورىندا دۇعا جاساعىسى كەلەتىنىن، ءبىراق مۇسىلمان رەتىندە ءوزىنىڭ قاۋىپسىزدىگىنە قورقاتىنىن جەتكىزگەن ەكەن. 

  «ەگەر ولار مەنىڭ مۇسىلمان رەتىندە دۇعا جاساپ وتىرعانىمدى كورسە، مەن ولاردىڭ نە ويلايتىنىن، نە ىستەيتىنىن بىلمەيمىن»،–دەپتى. ناماز وقۋعا ارنايى بولمەسى بار كوللەدجدەن اۋىستىرىلعان ابدۋل رازاك  جاڭا ۋنيۆەرسيتەتتە نامازدى قايدا وقيتىن بىلمەي قىسىلعانىن اناسىنا ايتىپ شاعىمدانىپتى. ول جۋرناليستەردەن كوڭىلى قالعانىن دا تىلگە تيەك ەتىپتى. ونىڭ ويىنشا، ولار ونىڭ ءدىنىن، سەنىمىن باسقاشا سيپاتتايدى. ابدۋل رازاكتىڭ قولىنا پىشاق الىپ، ادامدارعا شابۋىل جاساۋىنا نە تۇرتكى، نە سەبەپ بولدى بەلگىسىز. جوعارىدا ايتىلعاننىڭ ءبارى كۋاگەرلەردىڭ سوزدەرى.

   شابۋىل باستالعان كەيىن بىرەر مينۋتتان سوڭ وگايو شتاتىنىڭ پوليسيا وفيسەرى الان حورۋجكونىڭ قولىنان وققا ۇشقان ابدۋل رازاك ەس جيماي، سول ورىندا قايتىس بولدى.

   زەرتتەۋشىلەر ءالى دە ءىستىڭ جاي-جاپسارىن قاراستىرۋدا.