عىلىم-تەحنيكانىڭ دامۋى ادامزات وركەنيەتىنە، مادەنيەتىنە، اقىل-وي ەڭبەگىنە ولشەۋسىز ۇلەس قوسىپ كەلەدى.
1.Teslasuit كيىمى. بۇل كيىم ادامداردىڭ اتىس-شابىس ويىنداردى ويناۋ بارىسىندا سوققىنى شىنايى سەزىنۋگە مۇمكىندىك بەرەدى. سوققىلاردى ادامعا توقتىڭ ۇرۋى ارقىلى سەزىندىرەدى.
ويىن ىشىندە ادام قارسى جاقتان سوققى العان جاعدايدا سول سوققى تيگەن جەردى بەلگىلى مولشەردە توق ۇرۋ ارقىلى شىنايى سەزىندىرەدى.
2.CARLOUDY- كولىكتىڭ الدىڭعى اينەگىنە ارنالعان ارنايى اقپاراتتىق قۇرىلعى. بۇل قۇرىلعى ماشينادا وتىرعان ادامنىڭ ايتقان اۋديو كومانداسىن قابىلداي الادى جانە تەلەفونعا كەلگەن ەسكەرتپەلەردى دەر كەزىندە كولىكتىڭ الدىڭعى اينەگىنە شىعارىپ وتىرادى. بۇل قۇرىلعى تەلەفونعا bluetooth ارقىلى قوسىلادى.GPS تا بەلگىلەنگەن جەرگە جەتۋ بارسىندا بۇرىلۋ كەرەك بولعان جەر كوشەگە كەلگەندە الدىن-الا ەسكەرتەدى.
3.Google glass كوزىلدىرىگى - بۇل قۇرىلعى، اسىرەسە، ادام جاياۋ كەتىپ بارا جاتقاندا وتە قولايلى. ينتەرنەتكە WI-FI جەلىسى ارقىلى قوسىلادى، ال تەلەفونعا bluetooth ارقىلى قوسىلادى. جاياۋ كەتىپ بارا جاتقان ادامعا GPS انىق كورىنىپ جانە دە ەسكەرتپەلەردە كورىلەدى.
1 گب جەدەل جاد، كامەراسى 5 px، توقتىڭ شىدامدىلىعىنا كەلەتىن بولساق ينتەرنەتكە قوسقان جاعدايدا 1 كۇنگە، ال كامەراعا ءتۇسىرىپ جۇرەتىن بولساق 30 مينۋتقا جەتەدى. كوزىلدىرىك دىبىستى بۇيرىقتاردى قابىلدايدى، ءتىپتى قانداي شۋلى ورىندار بولسا دا ول بۇيرىق بەرۋشىنىڭ دىبىسىن عانا قابىلداي الادى. ويتكەنى دىبىستى ول ادامنىڭ باس سۇيەگىنە ءتيىپ تۇراتىن قۇرىلعى ارقىلى قابىلدايدى.
ول Google-دەن كەز-كەلگەن اقپاراتتى تاۋىپ بەرە الادى، ءبىراق قولدانبالار (app) ورناتىلمايدى. اقپاراتتى سايتتاردىڭ جاڭالىعىن كورۋ كەرەك بولسا، ول ءۇشىن ارنايى رۇقساتتاما كەرەك.
4. home surveillance - ۇيگە جانە كولىككە ارنالعان بەينە كامەرا. بۇل كامەرا ءارقاشان ورناتىلعان جەردى كورسەتىپ وتىرادى.ول سمارتفون ارقىلى باسقارىلادى. ونىڭ باسقارۋ جۇيەسى كەز-كەلگەن ەسكى جانە جاڭا سمارتفوندارعا لايىقتالعان.
5. Blipcast – بۇل ادامداردىڭ الاڭسىز، كەدەرگىسىز، تەلەديدار تاماشالاۋىنا تاپتىرماس قۇرىلعى. Blipcast سمارتفونعا سىمسىز قوسىلىپ، تەلەديداردىڭ دىبىسىن ءسىز سمارتفونعا قۇلاققاپ سالىپ تىڭداي الاسىز.
(جالعاسى بار)
قامشىگەر: ارشىن قۋاندىق
