قازاق ەستراداسىندا 26 جىل بويى بىرگە ءان شىرقاپ كەلگەن «نۇر-مۇقاسان» دۋەتى تاراپ كەتتى.  قازاقپاراتتىڭ جازۋىنشا بۇل تۋرالى مۇقاسان شاحازادايەۆ «استانا» ارناسىنداعى «ەل اۋزىندا» باعدارلاماسىنا بەرگەن سۇحباتىندا ايقان.

«نۇرلان ءقازىر ءوز شىعارماشىلىعىمەن، مەن ءوز شىعارماشىلىعىممەن اينالىسۋدامىن. بۇعان دەيىن دە ايتىلعان بولاتىن. بۇل تەك نۇرلان ەكەۋمىزدىڭ ارامىزداعى اڭگىمە. ونى جارنامالاعىم كەلمەيدى. 26 جىلدىڭ ىشىندە ءبىر-بىرىمىزدى كەشىرمەيتىندەي جاعداي بولعان ەمەس، دەسە دە كىشىگىرىم تۇسىنىسپەۋشىلىكتەر بولدى. ءبىر جاعىنان، 26 جىل بويى قاتتى كەتپەي، شىداپ كەلگەن سياقتىمىز. ءقازىر نۇرلان جايلى ەشتەڭە ايتا المايمىن. بەيحابارمىن. توسىن سىي ازىرلەپ جاتقان شىعار. ءبىر كۇنى جارق ەتىپ شىعا كەلۋى دە مۇمكىن»، - دەدى مۇقاسان شاحازادايەۆ.

1990 جىلى قۇرىلعان «نۇر-مۇقاسان» دۋەتى «قۇداشا قىز»، «سەزىمدى قايتەم»، «قوس قارلىعاش» حيت اندەرىمەن كوپشىلىكتىڭ جۇرەگىن جاۋلاعان ەدى.