ەلباسىمىزدىڭ اشۋىنا تيگەن شەنەۋنىكتەر جايلى ماقالا Kapital.kz سايتىندا جاريالانعان بولاتىن. وقىرمان نازارىنا قامشى پورتالى قازاقشا نۇسقاسىن ۇسىنادى.
ەلباسىنىڭ ايتۋىنشا، مينيسترلىكتىڭ ساۋدا جۇيەسىندەگى جۇمىستارىن ناشار جۇرگىزۋلەرى ۇلتارالىق كومپانيالارمەن جۇمىس اتقارۋعا كەدەرگى كەلتىرىپ وتىر.
مينيستر قىزمەتكەرلەرىن جۇمىستى تولىق ءارى تىڭعىلىقتى اتقارماعاندىقتان كوپتەگەن اۋقىمدى ۇلتارالىق كومپانيالار ەلىمىزگە كىرە الماي وتىر. بۇل ماسەلە جايىنداعى ويىن ەلباسى نۇرسۇلتان نازاربايەۆ بۇگىنگى وتكەن تەلەكوپىردە جەتكىزگەن بولاتىن.
«كوپتەگەن الپاۋىت ۇلتارالىق كويپانيالارمەن سەرىكتەستىك جاساۋعا ۇلكەن مۇمكىندىك بار. ول كومپانيالاردا دايىن وتىمدىلىك نارىق بار، ۇلكەن مۇمكىندىكتەرگە يە، جابدىقتالعان تەحنولوگيالار بار. سول سەبەپتى ول كومپانيالارمەن سەرىكتەس بولۋ ءۇشىن بىزگە دەگەن قىزىعۋشىلىقتارىن قالاي ارتتىرۋ كەرەكتىگىن ويلاۋىمىز قاجەت، مەن ولارمەن كەلىسسوز جۇرگىزۋ ءۇشىن كەزدەسىپ، سويلەسەمىن. ولار: «ءبىز قازاقستانعا بارامىز» دەيدى. ءيا، كەلەدى، كەلەدى دە ءبىر مينيسترلىككە بارىپ ءبىر تىعىلادى، ەكىنشىسىنە بارىپ ءبىر تىعىلادى، ودان قالسا ولاردى دالىزدەردە قۋدالايدى، سونان سوڭ قازاقستانعا تۇكىرگەنىم بار دەپ كەتەدى»، - دەپ بار اتاپ ءوتتى.
نۇرسۇلتان نازاربايەۆ ءوز قامدارى ءۇشىن عانا جۇمىس جاساپ، وزىنە جۇكتەلگەن مىندەتتى دۇرىس اتقارمايتىن شەنەۋنىكتەرگە جۇمىستان قۋاتىندىعىن ايتىپ ەسكەرتتى. قۇزىرلى ينۆەستورلاردى وزدەرىنە قىزىقتىرۋدا باياۋ جۇمىس ىستەيتىن بولسا ورنىن بوساتا بەرۋىنە بولاتىندىعىن مالىمدەدى.
«سوندا ءبىزدىڭ ەل كومپانيالارمەن وسىلاي جۇمىس ىستەيدى مە؟ سول سەبەپتەن دە ەسكەرتەمىن: وتكەن جىلدا مەن كەلىسسوز جۇرگىزگەن كومپانيالارمەن اتقارىلعان جۇمىستار بولۋى كەرەك. سول ىستەر جايلى ماعان تەز ارادا جازباشا ەسەپ تاپسىرۋلارىڭىزدى تالاپ ەتەمىن. ەگەر ونداي قورىتىندى ەسەپ بولماسا، دەمەك، بىزدىكىلەر ولاردى قۋىپ شىقتى دەپ بىلەمىن. ءدال سول قۋدالايتىندارمەن مەن جۇمىس جاسامايمىن، مەن سول ادامداردى قىزمەتتەرىنەن قۋامىن»، - دەپ، ءوز شەشىمىن جاريا ەتتى.
اۋدارعان: لابيحان نازەركە
