شىعىس قازاقستان وبلىسىندا ونكولوگيالىق اۋرۋعا شالدىققان ەر ادام، ەم رەتىندە بەرىلەتىن ءمورفيندى ساتقانى ءۇشىن سوتتالدى دەپ حابارلايدى tengrinews.kz . بۇل پرەپاراتتاردى دارىگەرلەر وعان اۋرۋدى باسۋ ءۇشىن اقىسىز بەرىپ وتىرعان.
شقو ءىىد جەدەل تەكسەرۋ قىزمەتىنە وبلىستىق ورتالىقتىڭ تۇرعىنى مورفين ساتىپ ءجۇر دەگەن اقپارات تۇسكەن. تەكسەرۋ بارىسىندا ەسىرتكىنى تاراتىپ جۇرگەن ادام راكتىڭ اۋىر تۇرىنە شالدىققان. ول ساتىلىمنان تۇسكەن اقشانى ءوز قاجەتتىلىگىنە جاراتقانى بەلگىلى بولدى. سوتتالعان ەر ادام ءمورفيندى ەسىرتكىگە تاۋەلدى ادامدارعا ساتقان. قىلمىسى اشكەرەلەنگەننەن كەيىن، سوت 6 جىلعا باس بوستاندىعىنان ايىرۋ تۋرالى ۇكىم شىعاردى. سوتتا ول ءوزىنىڭ اۋرۋى تۋرالى بىلگەننەن كەيىن جالاقىسىنا الا الماعان زاتتارىن وسىنداي جولمەن يەلەنۋدى ءجون ساناعانىن مويىندادى. ونىڭ بۇعان دەيىن سوتتالعان بەلگىلى بولدى.
