19 جەلتوقساندا سايلاۋشىلاردىڭ ءبىر بولىگى باسقا ۇمىتكەرگە داۋىس بەرەدى. ءبىر اي بۇرىن ميللياردەر دونالد ترامپ اقش پرەزيدەنتتىك سايلاۋدا جەڭىسكە جەتكەن. دەسەك تە، مۇحيتتىڭ ارعى جاعىنداعى ەلەكتورالدىق داۋىس بەرۋ جۇيەسى ەكى ساناتتا وتەتىنىن ەسكەرۋ كەرەك. ەڭ الدىمەن 8 قاراشادا قاراپايىم امەريكاندىقتار بيۋللەتەندەردە تاڭداعان ۇمىتكەردى بەلگىلەيدى. 40 كۇننەن كەيىن ءار شتاتتا سايلاۋشىلار القاسى جينالىپ، ءوز ايماقتارىندا جەڭىسكە جەتكەن ۇمىتكەرگە داۋىس بەرەدى. تەوريا بويىنشا وسىلاي. ترامپ 50 شتاتتىڭ 30-دا قارسىلاسىنان باسىم تۇسكەن. 19 جەلتوقساندا كۇتپەگەن جاعدايلار ورىن الۋى ىقتيمال. بۇل كۇنى سايلاۋشىلاردىڭ جارتى بولىگى باسقا ۇمىتكەرگە داۋىس بەرۋى ابدەن مۇمكىن.
دۇيسەنبى كۇنى New York Times گازەتىندە جاريالانعان اشىق حاتتا تەحاس سايلاۋشىسى كريستوفەر سۋپرۋن ماگناتقا داۋىس بەرمەيتىنىن مالىمدەدى. «ترامپ ۇلتتى بىرىكتىرۋدىڭ ورنىنا، جانجالدى ءورشىتىپ وتىر» دەپ جازعان. بۇل «كوۆبويلىق شتاتتان» ءوز شەشىمىن وزگەرتكەن ەكىنشى ادام. بۇدان بۇرىن ونىڭ ارىپتەسى ارت سيسنەروس وسىعان ۇقساس شەشىمىن مالىمدەگەن.
اقش بويىنشا «كپ» ساراپشىسى، رف ۇكىمەتىنىڭ جانىنداعى قارجى ۋنيۆەرسيتەتىنىڭ دوسەنتى گيەۆورگ ميرزايان ترامپتى تەحاستا كوبى جاقتىرمايدى دەگەن بولاتىن. جەتەكشى پارتيالاردىڭ ۋاكىلدەرىن الدىن-الا تاڭداۋ بارىسىندا بۇل شتات ءوز سەناتورلارى تەد كرۋزدى قولداعان (ىشكى پارتيالىق سايلاۋدا ترامپ وزدى). زاڭ بويىنشا سايلاۋشى تۇراتىن شتاتى تاڭداعان ۇمىتكەرگە داۋىس بەرۋگە مىندەتتى ەمەس. باسقا ۇمىتكەردى تاڭداعان جاعدايدا قارجى تولەيدى.
ساياساتتانۋشى-امەريكانيست ۆيكتور وليەۆيچتىڭ ايتۋىنشا اقش تاريحىندا سايلاۋشىلاردىڭ تاڭداۋىنا179 سايلاۋشى قارسى شىققان. «1836 جىلى ۆيسە-پرەزيدەنت سايلاۋىنداعى قورىتىندى، حالىقتىڭ شەشىمىن وزگەرتتى. ول كەزدە ءتىپتى بۇرىڭعى پرەزيدەنت ورنىندا قالعان. ءقازىر ترامپقا 300-دەن ءسال اساتىن سايلاۋشىلار داۋىس بەرمەك. ال ونىڭ باستى قارسىلاسى كلينتونعا - 232. 19 جەلتوقسانعا دەيىن حالىقتىڭ شەشىمىن وزگەرتىپ جىبەرەتىندەي، وزگەرىستەر بولادى دەپ ويلامايمىن. بۇل – اقش-تىڭ ساياسي داستۇرىنە دە قايشى».
دونالد ترامپ ءوز پرەزيدەنتتىگىنىڭ العاشقى 100 كۇنگى باعدارلاماسىن بەينە ۇندەۋ ارقىلى ايتىپ بەردى. ەڭ باستى ۇرانى ادەتتەگىدەي امەريكاعا بۇرىڭعى قالپىن قايتارۋ بولدى.
www.kp.ru سايتىنان اۋدارعان اسەم المۇحانبەت
