16 قاراشا كۇنى قۇرىلىسشىلاردىڭ كوز الدىندا وپىرىلعان ەكسپو-2017 كورمەسى اۋماعىنداعى نىساندى زەرتتەۋ جۇمىستارى اياقتالدى. كوميسسيا قورىتىندىسىنا سايكەس، عيماراتتى جوبالاۋ كەزىندە قاتەلiك كەتكەن. بۇل تۋرالى «استانا ەكسپو-2017» ۇك» اق قوعاممەن بايلانىس دەپارتامەنتiنiڭ ديرەكتورى سەرگەي كۋيانوۆ ءمالiمدەدi، دەپ حابارلايدى Baq.kz سايتى.
ەستەرىڭىزگە سالا كەتەيىك، الەۋمەتتىك جەلىدە عيماراتتىڭ قۇلاپ قالعانى تۇسىرىلگەن ۆيدەو تاراپ كەتكەن بولاتىن.
«دەكوراتيۆتى كوپىردىڭ ءبىر بولىگى اياقتالعان ەدى، ول راسىندا وپىرىلدى. نىساندى جوبالاۋ كەزىندە قاتەلiك كەتكەن. بۇل عيماراتتى BI Group كومپانياسى سالىپ جاتىر. ولار جوبالاۋشىنى شاقىردى، قۇرىلىس بولىگىن قايتا قالپىنا كەلتىرەدى»، - دەيدى سەرگەي كۋيانوۆ.
ونىڭ ايتۋىنشا، ۇلتتىق كومپانياداعىلار عيماراتتى پايدالانۋعا قابىلداپ الماعاندىقتان، بۇل نىساندى مەردىگەرلەر ءوز قاراجاتىنا قايتا قالپىنا كەلتىرۋى ءتيىس.
