الەمدىك ب ا ق وكىلدەرى اقش-تىڭ جاڭادان سايلانعان پرەزيدەنتى دونالد ترامپ اقوردامەن تەلەفون ارقىلى بايلانىس كەزىندە نۇرسۇلتان نازاربايەۆ باسقارىپ وتىرعان قازاقستاننىڭ جەتىستىگىن «عاجايىپ» دەپ باعالاعانىن جازادى.

دونالد ترامپ ەڭ قۋاتتى الەمدىك دەرجاۆانى باسقارۋعا دايىندالىپ ءجۇر جانە گەوگرافيالىق جاعىنان العا جىلجىماق نيەتتە. البەتتە، رەسەي مەن جۇڭگو ارالىعىنداعى ون ءىرى مەملەكەتكە كىرەتىن، ءالى دە سارقىلماعان رەسۋرستارى بار قازاقستاندى بايقاماي قالا المادى. قازاقستاننىڭ 25 جىل بۇرىن عانا الەم كارتاسىندا پايدا بولعانىن ترامپ «عاجايىپ» دەپ باعا بەردى. تەك بۇل مەملەكەتتىڭ شيرەك عاسىر بۇرىن ەمەس، بەس ءجۇز جارىم جىل بۇرىن پايدا بولعانىن بىلمەسە كەرەك-تى.

باتىستىق ادامداردىڭ شىعىس جانە ورتالىق ازيا ەلدەرى جايلى «ءالسىز» بىلىمدەرى الەمدى قابىلداۋ جاعىنان ءبىرجاقتى باعىتتالعان دەپ ويلاماي، مەملەكەتتەردى جوققا شىعارا سالۋدى دۇرىس كورەتىن سىڭايلى. بىلىمدەرىن ستەرەوتيپتەرگە الماستىرىپ، قازاقستان كەڭەس وداعىنىڭ ەمەس، التىن وردانىڭ قۇلاۋىنان پايدا بولعان مەملەكەت ەكەنىن ەستەرىنەن شىعارىپ الا بەرەدى. XV عاسىردىڭ وزىندە كەرەي مەن جانىبەك ءوز ەلىن قۇرۋ ماقساتىندا شىعىستا  دەشتى قىپشاقتان باستاپ موعولستانعا دەيىن، باتىستا جەتىسۋعا دەيىن بيلەدى.

دونالد ترامپ 1991 جىلى 16 جەلتوقساندا قازاقستان قۇرىلماعانىن، كەرىسىنشە، ۇلتتىق مەملەكەتتىڭ قايتا قالپىنا كەلگەنى جايلى، ءتىپتى، سەزىكتەنبەگەن دە شىعار. ايتپەسە، ول قازاق تاريحىنىڭ سوڭعى 25 جىلىن ەمەس، 550 جىلدى اتاپ وتەتىندەي ەدى.

اۋدارعان شايحى مارال