قازاقستان ازاماتى احرور سايداحمەتوۆ دايش تەرروريستىك ۇيىمىنا قولداۋ كورسەتۋ ماقساتىندا كەلىسىمگە كەلگەنىن مويىندادى دەپ حابارلايدى ria.ru.
21 جاسار نيۋ-يورك قالاسىندا تۇرعان احرور سايداحمەتوۆ بيلىكپەن ىمىراعا كەلسە دە 15 جىلعا سوتتالۋى مۇمكىن.
اقش پروكۋرورى روبەرت كەيپەرستىڭ ايتۋىنشا ايىپتالۋشى سيرياعا بارىپ، دايش تەرروريستىك ۇيىمىنىڭ جاقتاسى رەتىندە سوعىسۋ نەمەسە اقش شەكاراسىندا تەراكت جاساۋدى ويلاعان.
2014-2015 جىلدارى سايداحمەتوۆپەن بىرگە ءبىر قىلمىستىق ءىس بويىنشا تەرگەۋدە جۇرگەن وزبەكستان ازاماتى ابدۋراسۋل جۋرابويەۆ ەكەۋى سيرياعا بارۋدى جوسپارلاعان. ەگەر ول جۇزەگە اسپاسا اۆتومات الىپ، پوليسەيلەردى اتىپ تاستاۋعا بەكىنگەن. 2015 جىلى سايداحمەتوۆتى نيۋ-يوركتاعى كەننەدي اتىنداعى اۋەجايدا تۇركياعا بارۋ ءۇشىن ۇشاققا وتىرماق بولعان كەزىندە ۇستاعان. جۋرابويەۆتى دا ءدال سول كۇنى تۇركياعا بارا جاتقان جەرىنەن ۇستادى. تەرروريستەرگە اقشا جيناۋعا ارەكەتتەنگەنى ءۇشىن وزبەكستاننىڭ تاعى ءبىر ازاماتى ابرور ءحابيبوۆتىڭ ۇستىنەن دە قىلمىستىق ءىس قوزعالدى.
