بايان ەسەنتايەۆانىڭ سۇيىكتىسى تويعا دايىندىعى جايلى جانە قازاقستانداعى تانىمال ايەلدەردىڭ ءبىرىن قالاي ۇناتىپ قالعاندىعىن ايتىپ بەردى دەپ حابارلايدى informburo.kz، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.
– بايان ەسەنتايەۆامەن قالاي تانىستىڭىز؟
– مەن ونى وسىنشالىقتى تانىمال دەپ ويلاعان جوقپىن. ءال-فارابي كوشەسىندە تۇراتىنمىن، ءبىر كۇنى باياننىڭ سۋرەتى تۇرعان باننەردى كوردىم، ول ءبىر شامپۋننىڭ جارناماسى بولاتىن. سول جەردەن ۇنەمى وتكەن سايىن قاراپ وتەتىنمىن. نەتكەن ادەمى ايەل دەپ ويلاپ ءجۇردىم. مەن ول كەزدە جەرگىلىكتى شىعارماشىلىققا اسا قىزىقپايتىن ەدىم، قازاقستاندىق ەسترادامەن اسا تانىس ەمەس ەدىم. ءبىر كۇنى بايانمەن تانىسقانىمدا، ونىڭ تەگى تانىس ەستىلدى، الايدا ونىڭ سونشالىقتى تانىمال ەكەنىن بىلمەيدى ەكەنمىن. ءبىز وتكەن جىلدىڭ ناۋرىز ايىندا جۇمىس بابىمەن تانىسقانبىز. ول كەزدە مەن «انالار ۇيىندەگى» ماسەلەلەر جايلى دەرەكتى فيلم ءتۇسىرىپ جۇرگەن بولاتىنمىن. سويتسەم، ءدال وسىنداي مازمۇندا جۇمىس ىستەپ جۇرگەن رەجيسسەر بار ەكەن. مەن كينويندۋستريادان اسا حابارىم بولماعاندىقتان تاجىريبەسى مول ادامنان كەڭەس سۇراۋعا ءماجبۇر بولدىم. وسىلاي تانىسىپ كەتتىك.
– بىردەن عاشىق بولدىڭىز با؟ باياننىڭ قانداي قىلىعى ءسىزدى ءتانتى ەتتى؟
بۇل سۇراق ارتىق دەپ ويلايمىن. مەن وعان جۇمىس بابىمەن بارعانمىن. بىزبەن بىرگە جۇمىس ىستەپ جۇرگەن رەجيسسەردىڭ ەسىمىن اتاعان كەزىمدە «مەن سىزگە ەشقانداي دا كەڭەس بەرە المايمىن. سەبەبى ول اداممەن ءبىز ءبىر سەحتا جۇمىس ىستەيمىز. ەگەر سىزگە كەڭەس بەرىپ جۇرگەنىمدى ەستىسە، ادامدار جامان ويلاپ قالۋى مۇمكىن»، - دەپ جاۋاپ بەردى. ءبىزدىڭ العاشقى تانىسۋىمىز وسىلاي بولدى. ماعان ول وتە ءبىلىمدى ايەل بولىپ كورىندى. ول بارلىعىن جان-جاقتى ويلاپ، ءار قادامىن اڭداپ باساتىن ادام.
–وعان عاشىق ەكەنىڭىزدى قالاي ءتۇسىندىڭىز؟
– مەن بايان سەكىلدى ايەلدى ەشقاشان دا كەزدەستىرمەپپىن، ول وتە قىزىق ادام، كەرەمەت تۇلعا. ول مەنى ناعىز ايەلگە ءتان قىلىعىمەن، ەرەكشە حاريزماسىمەن ىنتىقتىردى.
– كەز كەلگەن قارىم-قاتىناستا ينيسياتور بولادى، سىزدەردە ول كىم؟
– ارينە، مەن. بايان ءوزى الدىمەن سەزىمىن ءبىلدىردى دەپ ايتپايمىن عوي ەندى، - دەپ كۇلدى كاسىپكەر. – بۇل، ارينە، قالجىڭ.
– باياننىڭ ومىرىندە وتە قايعىلى وقيعا بولدى. مۇنداي جاعدايدان سوڭ جاڭا قارىم-قاتىناس ورناتۋ، ادەتتە، قيىن. بۇل قيىندىققا قالاي توتەپ بەرەسىزدەر؟
– ەگەر باياننىڭ تانىمالدىلىعى بولماسا، قازىرگى تاڭدا اجىراسىپ جاتقان وتباسىلار وتە كوپ. بۇل نارسەنىڭ ماعان ەش قاتىسى جوق دەپ ايتا المايمىن. دەگەنمەن، وسىنداي وقيعانىڭ ورىن العانى وتە وكىنىشتى. بالالارى، تۋعان-تۋىستارى – ءبارى دە الاڭداۋلى. بۇل وتە كۇردەلى دە ەموسياعا تولى كەزەڭ.
– بايانعا تۇرمىسقا شىعۋعا قالاي ۇسىنىس جاسادىڭىز جانە تويلارىڭىزدى قالاي جاساماق نيەتتەسىز؟
– ءبىز 16 جاستاعى جەتكىنشەكتەر ەمەسپىز. بۇل سۇراققا كەيىنىرەك جاۋاپ بەرەمىز.
– ياعني، اسىرا سىلتەۋشىلىك بولمايدى عوي، ءيا؟
– ءبىز بۇكىل ەلگە شوۋ ۇيىمداستىرامىز، تىكۇشاقتار ۇشىپ جۇرەدى، - دەپ كۇلدى تۋرسەنعالي. – قالجىڭداپ وتىرمىن، ارينە. تەك ءوزىمىزدىڭ ويىمىزدان شىعاتىنداي ەتىپ جاسايمىز. تويدىڭ ماسەلەسى وتە قيىن دەپ ويلايمىن، ءبىز بايان ەكەۋمىز بارلىعىن اقىلداسىپ شەشەمىز. سول سەبەپتى دە، ءدال قازىرگى تاڭدا بۇل جاي عانا نەكە بولادى ما الدە كەلىسىلگەن نەكە بولادى ما – وسى جايىندا ويلانىپ ءجۇرمىز. ويتكەنى، ءبىز ەكەۋمىز دە ورتا جاستاعى ادامدارمىز. بۇل ماسەلەنى بارىنشا اقىلعا سالىپ، وڭ شەشىم قابىلداي الۋعا ەكەۋىمىزدىڭ دە اقىلىمىز جەتكىلىكتى بولۋى كەرەك جانە دە باسقا ادامداردى رەنجىتپەۋدىڭ جولىن قاراستىرۋىمىز قاجەت. بۇل – وتە ماڭىزدى. تىم ارتىق كەتەر بولساق، ادامدار بىزگە رەنجىپ قالادى.
– بايان ەسەنتايەۆا حالىقتىڭ نازارىندا ءجۇرىپ، كامەرالارعا ءبىراز ىلىگىپ ۇيرەنىپ قالعان. ال ءسىز سوڭعى كەزدەرى تىم كوپ تالقىعا ءتۇستىڭىز، سىزگە ەلدىڭ نازارى ەرەكشە اۋدى. ءوزىڭىزدى قالاي سەزىندىڭىز؟
– ءيا، شىنىمەن دە ۇيرەنشىكتى جاعداي ەمەس. مەن ءۇشىن بۇل ۇلكەن جاڭالىق سەكىلدى بولدى، الايدا ماعان بۇل مۇلدەم ۇنامادى. وسى ۋاقىتقا دەيىن ەلدىڭ نازارىنا ىلىگىپ كورگەن ەمەسپىن.
اۋدارعان: نازەركە لابيحان
