1918 جىلى تۋىلعان امەريكاندىق روبەرت ۋودلوۋ 18 جاسىندا الەمگە تانىلدى. ونىڭ اتا-اناسى مەن اپكە، ىنىلەرى بويلارىنىڭ ۇزىندىعىمەن ەرەكشەلەنبەيتىن. 4 جاسىنا دەيىن كىشكەنتاي روبەرتتىڭ باسقا بالالاردان ەش ايىرماشىلىعى بولمادى. ءبىراق ودان كەيىن ساعاتتاپ وسە باستادى.

10 جاستاعى بالانىڭ اكەسىمەن تۇسكەن سۋرەتى. سول ۋاقىتتا ول ناعىز الىپتىڭ ءوزى بولدى. 9 جاستا-اق ول اتا-اناسىن ەش قيىندىقسىز باسپالداقپەن كوتەرىپ، تۇسىرە الاتىن.

بالا ەشبىر قيىندىقسىز مەكتەپتى ءبىتىرىپ، جوعارى ءبىلىم العان. الىپ ادام زاڭگەر بولۋدى ارماندادى. 18 جاستا روبەرت سيركپەن بۇكىل ەلدى ارالاپ شىقتى. سالماقتى مىنەزى مەن مەيىرىمدىلىگىنىڭ ارقاسىندا ەل اراسىندا «قايىرىمدى الىپ ادام» اتانىپ كەتتى. ەڭ قىزىعى، جىلدار وتە جىگىت ءوسۋىن توقتاتپادى.

روبەرتتىڭ بويىنىڭ ۇزىن بولۋى گيپوفوزا ىسىگى جانە اكرومەگاليامەن بايلانىستى ەدى. 22 جاسىنا قاراي جىگىت وتە تەز ءوسىپ كەتكەندىكتەن بالداقپەن جۇرۋىنە تۋرا كەلدى. ءدال سول بالداق ونىڭ ولىمىنە سەبەپكەر بولدى.

بالداقتان قاجالىپ كەتكەن اياعىنا ينفەكسيا كىرىپ، ناتيجەسىندە سەپسيس اۋرۋىنا شالدىقتى. تەز ارادا قان اۋىستىرىلسا دا جاعدايى جاقسارمادى.

22 جاسىندا جەر بەتىندەگى ەڭ ۇزىن ادام ۇيىقتاپ جاتىپ قايتىس بولدى. روبەرت 1940 جىلى دۇنيە سالدى. بۇگىنگى كۇنگە دەيىن ونىڭ ناتيجەسىن ءالى ەشكىم قايتالامادى.

دارىگەرلىك انىقتاماعا ساي، جىگىتتىڭ دەنەسى ءومىرىنىڭ سوڭىنا دەيىن وسكەن. قايتىس بولعان كەزدە ونىڭ دەنەسى 272 سانتيمەرتردى قۇرادى. روبەرتتىڭ دەنەسى سالىنعان تابىتتى زيراتقا دەيىن كوپ ادام كوتەرىپ بارعان ەكەن. 

دايىنداعان: اسەم المۇحانبەت