بۇل ديماش ءبىز ويلاعاننان الدەقايدا ونەرلى بوپ شىقتى. البەتتە، ونىڭ از ۋاقىت ىشىندە جان-جاققا تانىلىپ ۇلگەرۋىنە كومانداسىنىڭ ەڭبەگى زور دەپ بىلەمىن. ءجا، ەرتەڭ جۇمىس كۇنى، اركىمنىڭ مازاسىن الماي اڭگىمەمىزدى قىسقا قايىرايىق. اتاقتى مايكل دجەكسوننىڭ "Billie Jean" اتتى تۋىندىسى بار. ماعىناسىن بىلاي قويا بەرىڭىز، ءبىراق ءان دەگەن سۇمدىق ەندى. ەشكىم ەستىمەدىم دەمەيتىن شىعار. ونى 1983 جىلدان بەرى قاراي تالايلار شىرقاپ ۇلگەرگەن دە شىعار-اۋ. نەگە ەكەنىن قايدام، ونىڭ كەشە تۇندە جاريالانعان كەزەكتى بەينەجازباسىن تاماشالاپ وتىرىپ "ءدال وسى ءاندى جوعارى دەڭگەيدە ورىنداپ شىعۋ ديماشتىڭ قولىنان 101% كەلەدى-اۋ" دەگەن وي توپ ەتە قالدى. 
ءبىر قيىنى - بۇل ءان وزىندىك ەرەكشە بيىمەن قاتار جۇرەدى. ياكي ديماشقا از ۋاقىتتىڭ ىشىندە مايكلدىڭ نەبىر قيمىلدارىن ۇيرەنىپ، كوبىرەك ەڭبەكتەنۋ كەرەك (دەگەن ءسوز).

كەلىسىلىپ دايىندالعان جازبا ەمەس. ونىڭ ۇستىنە ديماشقا ءان تاڭداپ بەرەتىندەي مۋزىكا مامانى (دومبىرا ۇيىرمەسىنىڭ 3-سىنىبىن عانا ءتامامداعانىمدى ايتپاعاندا) ەمەسپىن. ءبىراق ءدال وسى "Billie Jean" ءانى سەبەپتى ديماشتىڭ ونەردەگى باعى ودان ءارى اشىلا تۇسەتىندەي. سوندىقتان الىستا جۇرگەن الپامىس (ديماشتىڭ پروديۋسەرى) باتىر بۇل تىلەگىمىزدى جاۋاپتى ادامدارعا جەتكىزەدى (تىڭدارمانداردىڭ تىلەگى دەپ قابىلدارسىزدار) دەپ سەنەمىز. سولاي عوي الەۋمەت؟

ازامات بيتان