بەلگىلى ايتىسكەر اقىن بالعىنبەك يماشيەۆ ايەلىن قاتتى قىزعاناتىنىن، سونداي-اق، ءتىپتى، توركىنىنە دە ءوزىنىڭ رۇقساتىنسىز جىبەرمەيتىن كورىنەدى.

بۇل تۋرالى «ايەل باقىتى» باعدارلاماسىندا ايتىلدى، دەپ جازادى stan.kz.

قىزعانشاقتىقتىڭ ادام دەنساۋلىعىنا كەرى اسەرىن تيگىزەتىنىن اعىلشىن عالىمدارى دالەلدەپ وتىر. ماسەلەن، شەكتەن تىس قىزعانشاق جانداردا باس اۋرۋى، اسقازان اۋرۋى جانە دە ۇيقىسىزدىق ءجيى مازالايدى ەكەن. ال نەمىس عالىمدارى جەر بەتىندەگى حالىقتىڭ 95℅-ىندا قىزعانىش سەزىمىنىڭ بار ەكەنىن ايتىپ وتىر. وسى ورايدا، ايتىسكەر اقىن بالعىنبەك يماشيەۆ ءوزىن وسى كوپتىڭ قاتارىنا جاتقىزاتىنىن ايتىپ ءوتتى.

«ءسوز جوق، قىزعانشاقپىن. وتە قىزعانشاقپىن. ءبىراق تۋعان-تۋىسقاندارىنا جىبەرىپ تۇرامىن. جۇبايىم سىرتقا كوپ شىعا بەرمەيدى. ءوزى 10 بالانىڭ اراسىندا وسكەن، اناسىنىڭ دا بەرگەن تاربيەسى وتە جاقسى. توركىنىنە جىبەرسەم، «اكەم-شەشەم ماعان كۇيەۋىڭسىز كەلمە دەپ ايتقان» دەپ جالعىز بارمايدى. سول سەبەپتى ەكەۋىمىز بىرگە بارامىز»، – دەيدى بالعىنبەك يماشيەۆ.

ال پسيحولوگ ۆەنەرا تەلجان ءوز كەزەگىندە قىزعانىشقا بوي الدىرماۋعا كەڭەس بەردى. مۇنىمەن قاتار، ايەلدەردىڭ ەرلەرگە قالاي دۇرىس قىزمەت قىلۋ كەرەكتىگى تۋرالى ايتىپ ءوتتى.

«قازىرگى تۇرمىس قۇرىپ جاتقان جاستاردا سابىر جوق. ءبىر-بىرىن تۇسىنىسۋگە تىرىسپايدى. ويتكەنى ادام سابىرلى بولۋى ءۇشىن ونىڭ دەنەسى، سانا-سەزىمى، تۇلعاسىنىڭ بارلىعى دۇرىس بولۋى ءتيىس. ادام كۇندەلىكتى ومىردە پسيحو-ەموسيونالدىق قيىندىقتار كورەدى. ونى ارتىنشا وتباسىنا الىپ كەلەدى. وتىرىپ الىپ وسىنىڭ بارلىعىن كۇيەۋىنە جىبەرەدى. ايەلدەرگە «سىزدەر كۇيەۋلەرىڭىزگە قىزمەت جاساڭىزدار، سىيلاڭىزدار» دەپ ايتىپ وتىرامىن. ولار ءوز كەزەگىندە جولداستارىنىڭ ەركەلەپ، قۇتىرىپ كەتكەنىن ايتادى. وسى تۇستا قىزمەت قىلۋ مەن ءوزىڭدى تومەندەتۋدىڭ اراسىن دۇرىس اجىراتىپ الۋ كەرەك. ونىڭ بارلىعى اينالىپ كەلىپ قايتادان ءوزىنىڭ ەموسياسىنا اسەر ەتەدى. قايتادان قىزعانا باستايدى»، – دەيدى مامان.