سوڭعى كەزدەرى قازاقستانداعى شالاقازاقتاردىڭ جوعىن جوقتاۋشى، مۇڭىن مۇڭداۋشى رەتىندە ايرىقشا كوزگە ءتۇسىپ جۇرگەن ورىس ءتىلدى باسىلىم - Central Asia Monitor گازەتى بولىپ تۇرعانى ايداي اقيقات. ونىڭ بۇرىنعى باس رەداكتورى بيگەلدى عابدۋللين تەك وزدەرى ويدان شىعارىپ العان «قازاق ۇلتشىلدارىمەن» اشىق ايقاسقا كوشكەن.
ەڭ الدىمەن قازاقستاندا «قازاق ۇلتشىلدارى» بار ما ءوزى؟ سول «ۇلتشىلدار» قانداي قوعامدىق ۇيىمعا بىرىگىپتى؟
باسىلىم بۇنداي سۇراقتارعا باسىن قاتىرمايدى. كەلسىن، كەلمەسىن، ءتيسىن، تيمەسىن، وزدەرى قيالدارىندا جاساپ العان «قازاق ۇلتشىلدارىمەن» كۇندىز دە، تۇندە دە شايقاسىپ جاتىر. بۇل «شالاقازاقتاردىڭ» باسىندا بەلگىلى ورىس ءتىلدى اقىن ولجەكەڭ تۇر دەيدى.
بۇلاردىڭ باستى ارمانى - قازاقتىڭ كوسەگەسىن كوگەرتپەۋ، قازاق ءتىلىن بوساعادان اتتاتپاۋ، كەرەك دەسەڭىز، قازاق ەلىنىڭ تاۋەلسىزدىگىن تارىك ەتۋگە دەيىن بارۋ...
جەر قايىسقان «شالاقازاقتار» ارمياسىنىڭ بۇنداي قادامعا بارۋىنىڭ ارتىندا – قالاي دا ورىس ءتىلىنىڭ ۇستەمدىگىن ساقتاپ قالۋ، قازاقستان تاۋەلسىزدىگىن ەسەپكە الماۋ، قازاق دەگەن ۇلتتى ادام قاتارىنا قوسپاۋ تۇر. ولجاستىڭ جانە انا «ءومىر بويى قازاقستان پرەزيدەنتى نۇرسۇلتان نازاربايەۆقا ادال قىزمەت ەتەم» دەپ انت بەرىپ(سوتتالعان ادام، قالاي ءومىر بويى ادال قىزمەت ەتەك؟)، سوتتالسا دا، قاماۋدان امان قالعان بيگەلدىنىڭ ارتىندا بۇكىل الەم ساياساتىن ۋىسىندا ۇستاپ تۇرعان «اق دەگەنى - العىس، قارا دەگەنى – قارعىس» سانالاتىن قۇدىرەتى كۇشتى الپاۋىتتار تۇر دەيدى، جاقسى بىلەتىندەر...
جۇماش كوكبورى
