الەۋمەتتىك جەلىلەردە تاجىكستان ەلىنىڭ جەمقورلىققا قارسى ۆەدومستۆا باسشىسى ەكس-ورىنباسارى داۆلاتبەك حايرزودتى تۇتقىنعا العاننان كەيىن ونىڭ اناسىنىڭ ءۇيىن تىنتىگەن كەزدە تۇسىرىلگەن سۋرەتتەر كەڭىنەن تارالدى، دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ.

دەرەككوزى دالۆاتبەك حايرزودتىڭ اناسىنىڭ ءۇيىن ءتىنتۋ بارىسىندا تۇسىرىلگەن ءۇش فوتونى جاريالاعان.

ءموبيلدى تەلەفونعا تۇسىرىلگەن فوتودا اسۇيدەگى ەدەننىڭ استىندا جەرتولەنىڭ بار ەكەندىگىن كورىنەدى. ول جەردەن ءبىر قاپ دوللار تابىلعان.

ول جەردە ناقتى قانشا قارجى بار ەكەنى بەلگىسىز، دەگەنمەن اقشانىڭ كولەمىنە قاراپ ميلليون دوللاردان اساتىنىن بىلۋگە بولادى.

ەستەرىڭىزگە سالا كەتسەك، ءساۋىر ايىنىڭ اياعىندا تاجىكستانداعى جەمقورلىققا قارسى اگەنتتىكتىڭ ۇلكەن توبى قۇرىقتالعان بولاتىن. كەيىنىرەك ولاردىڭ كوپشىلىگى تۇتقىندالعان ەدى.

ەڭ ءبىرىنشى بولىپ جەمقورلىققا قارسى اگەنتتىكتىڭ باسشىسى فيرۋز حولمۋرودزود تۇتقىندالعان.

ونىڭ ارتىنان ەكس-ورىنباسارى فاحريددين بوزوروۆ، سول ورتالىقتىڭ ەسك-تەرەگۋشىسى فيرداۆس نيەزبادالوۆ، حاتلون وبلىسىنىڭ جەمقورلىققا قارسى باسقارماسىنىڭ ءتوراعا ورىنباسارى سافارالي حاميدزودا مەن دۋشانبە قالاسىنداعى تەرگەۋ ءبولىمنىڭ باسشىسى اميرشو سۋلتونزود تۇتقىنعا الىندى.

24 ءساۋىر كۇنى جەمقورلىققا قارسى اگەنتتىك ديرەكتورىنىڭ ورىنباسارى، 2017 جىلدىڭ قاڭتار ايىنان باستاپ زەينەتكە شىعارىلعان باۆلاتبەك حايرزودا تۇتقىندالدى.

اۋدارعان: نازەركە لابيحان