ءابۋ ساعيد ال-حۋدريدەن (اللا وعان رازى بولسىن) جەتكەن حاديستە: «بىردە پايعامبار(وعان اللانىڭ سالاۋاتىمەن سالەمى بولسىن) مەشىتكە كىرگەن كەزدە اقسيا كۇلىپ وتىرعان ادامداردى كورىپ: «ءلاززات پەن دۇنيەگە قۇشتارلىقتى جويۋشىنى (ءولىمدى) ءجيى ەسكە الىڭدار! سەبەبى ءقابىر ادام بالاسىنا ءار ۋاقىت: «مەن بەيتانىستار مەكەنىمىن، مەن جالعىزدار مەكەنىمىن، توپىراق مەكەنىمىن، قۇرت-قۇمىرسقالار مەكەنىمىن»، – دەيدى دەپ جازادى قامشى اقپاراتتىق اگەنتتىگى mazhab.kz-كە سىلتەمە جاساي وتىرىپ. ءمۇمىن پەندە جەرلەنگەن كەزدە كور وعان: «مەنىڭ ۇستىمدە ءومىر سۇرگەندەردىڭ ىشىندە وزىمە قاتتى ۇناعان جانداردىڭ قاتارىنان ەدىڭ، حوش كەلدىڭ، بۇگىن ماعان كەلدىڭ جانە قوينىما ەندىڭ، ساعان ەندى نە ىستەيتىنىمدى كورەسىڭ» دەيدى. ءسويتىپ كوزى جەتكەن جەرگە دەيىن ءقابىرى كەڭەيتىلىپ، وعان جانناتقا قاراي ەسىك اشىلادى...

ال ەگەر كۇناكار جامان ادام نەمەسە كاپىر جەرلەنسە، وعان ءقابىر: «ساعان «حوش كەلدىڭ» دەپ ايتپايمىن، مەنىڭ ۇستىمدە ءومىر سۇرەتىن پەندەلەردىڭ اراسىنداعى ەڭ جەك كورەتىندەرىمنىڭ ءبىرى ەدىڭ، ەندى بۇگىن ماعان كەلدىڭ جانە قوينىما ەندىڭ، ەندى ساعان مەنىڭ نە ىستەيتىنىمدى كورەسىڭ» دەيدى. ءسويتىپ ءقابىردىڭ ەكى جاعى سىعىلىپ، دەنە مۇشەلەرى بىر-بىرىنە جابىسىپ، قابىرعالارى ايقاسادى»، – دەيدى، سوسىن پايعامبار(وعان اللانىڭ سالاۋاتىمەن سالەمى بولسىن) ساۋساقتارىن بىر-بىرىنە ايقاستىرىپ: «ونى اللا جەتپىس ۋلى جىلانمەن بايلايدى. ەگەر سول جىلانداردىڭ بىرەۋى جەرگە قاراي دەمىن جىبەرسە، ەشتەڭە وسپەس ەدى ءارى دۇنيەدە ەشتەڭە قالماس ەدى، ونىمەن ابدەن ەسەپ ايىرىسقانشا ولار ونى شاعىپ ازاپتايدى...»، – دەدى»، – دەگەن.

ءسويتىپ ءابۋ ساعيد ءال-حۋدري ءسوزىن جالعاستىرىپ: «پايعامبار(وعان اللانىڭ سالاۋاتىمەن سالەمى بولسىن): «راسىندا، ءقابىر جانناتتىڭ باۋباقشالارىنان ءبىر باقشا نەمەسە توزاق شۇڭقىرلارىنان ءبىر شۇڭقىر»، – دەدى»، – دەگەن.

ءابۋ ھۋرايرا (اللا وعان رازى بولسىن): «پايعامبارمەن(وعان اللانىڭ سالاۋاتىمەن سالەمى بولسىن)  بىرگە جانازاعا قاتىستىق، بەيىتتەردىڭ جانىندا وتىرىپ پايعامبار(وعان اللانىڭ سالاۋاتىمەن سالەمى بولسىن): «وسى كورگە كىرىسىمەن، كور: «ەي، ادام بالاسى! مەنى قالاي ۇمىتتىڭ؟! مەنىڭ جالعىزدىقتىڭ، تىلسىم سىر مەن قورقىنىشتىڭ مەكەنى ەكەنىمدى بىلمەدىڭ بە؟ قۇرت-قۇمىرسقالار مەن سۋىق توپىراقتىڭ مەكەنىمىن، تەك قانا اللا كەڭىتكەندەرگە عانا كەڭمىن ءارى جاقسىمىن» دەپ، سويلەيدى»، – دەپ، سودان كەيىن پايعامبار(وعان اللانىڭ سالاۋاتىمەن سالەمى بولسىن) ءسوزىن ارى قاراي جالعاستىرىپ: «ءقابىر جانناتتىڭ باۋ-باقشالارىنان ءبىر باقشا نەمەسە توزاق شۇڭقىرلارىنان ءبىر شۇڭقىر»، – دەدى»، – دەگەن.

شولۋشى: اسەل وتەشوۆا