ول 30 جاستاعى دەنە شىنىقتىرۋ ءپانى  ۇستازىنىڭ  سوققىسىنان باس-مي جاراقاتىن الدىم دەپ وتىر. اقساقال نۇسقاعان، مارتوك اۋدانىنا قاراستى حلەبودار ورتا مەكتەبىنىڭ كەيبىر مۇعالىمدەرى دە دەنە تاربيەسى پانىنەن ساباق بەرەتىن ۇستازدىڭ بۇعان دەيىن دە بۇزاقىلىق ارەكەتتەرگە بارعانىن ايتادى، دەپ حابارلايدى قامشى اقپاراتتىق اگەنتتىگى 31 ارناعا سىلتەمە جاساپ.

ايدىڭ - كۇننىڭ امانىندا بالامداي ادامنان تاياق جەدىم دەگەن ءجۇسىپ بيگەلوۆ ءقازىر وبلىستىق جەدەل جاردەم اۋرۋحاناسىندا جاتىر. زەينەتكەرلىك دەمالىسقا شىققاننان كەيىن شاعىن اۆتوبۋس الىپ، اۋىل اراسىنا جولاۋشىلاردى تاسىپ قاتىنايتىنىم بار ەدى دەيدى. وسىدان ون ەكى جىل بۇرىن وزبەكستاننان قونىس اۋدارعان قارت جاس ءمۇعالىمنىڭ ساقالىمدى سيلاماعانى وكىنتەدى دەپ وتىر. ايتۋىنشا، كورشى اۋىلعا فۋتبولدان جارىسقا اپارىپ كەلۋدى وتىنگەن ازامات سوڭىندا ءوزىن سوققىعا جىققان.

ءجۇسىپ بيگەلوۆ، تۇرعىن:

- اپاراسىڭ حلەبودارعا دەدى. "اۋ، جانىم مەنىڭ ءقازىر بەنزينىم جەتپەيدى، ەرتەڭ مەن مارتوككە باراتىن ەدىم"،- دەدىم. سونىڭ اراسىندا كاكوي - تو سەكۋندتىڭ اراسىندا مەنى ۇردى. ۇرعان كەزدە مەن بەز سوزنانيا قالعانمىن عوي. كوزىمدى اشسام تاعى ۇرايىن دەپ تۇر ەكەن. "ءاي، ساعان نە قىلدىم، اينالايىن؟"،- دەپ ەدىم، مىنا جاقتان جۇگىرىپ كەلدى. ەگەر سۇيرەپ الىپ ۇرسا ءولىپ قالاتىن ەدىم.

سوققىعا جىعىلعان اقساقال ءقازىر نەيروحيرۋرگيا بولىمىندە ەم الىپ جاتىر.  دارىگەرلەردىڭ ايتۋىنشا، وز-وزىنە كەلىپ قالعان.

سەرجان جاناحمەتوۆ، اقتوبە وبلىستىق جەدەل جاردەم اۋرۋحاناسى نەيروحيرۋرگيا ءبولىمىنىڭ ەمدەۋشى دارىگەرى:

- ءبىزدىڭ وسى بسمپ نەيروحيرۋرگيا  بولىمشەسىنە باس مي جاراقاتى، باس ميىنىڭ شايقالۋى جانە دە مۇرىننىڭ جۇمساق تىلىمدەرىنىڭ سوعىلۋ دياگنوزىمەن ءتۇستى. جاعدايى ءقازىر ءبىر قالىپتى.

 اقساقالدى ۇردى دەگەن جىگىت مىنە، مىنا مەكتەپتىڭ ءمۇعالىمى. ال مەكتەپتىڭ كەيبىر ۇستازدارى 2008 جىلى "ديپلوممەن اۋىلعا" باعدارلاماسىمەن كەلگەن  ازاماتتىڭ بۇعان دەيىن دە ەرسى قىلىقتارىمەن كورىنىپ قالعانىن ايتادى. ناقتىسى، مەكتەپ ديرەكتورىنىڭ سوزىنشە، ول بۇعان دەيىن مەكتەپكە ءىش كيىممەن كەلىپتى. الايدا سودان كەيىن جۇمىستان قۋىلعان ءمۇعالىم سوتقا شاعىمدانىپ، سوت ارقىلى قىزمەتكە  قايتا كەلىپتى.

ادىلبەك ءتاجىباي، حلەبودار ورتا مەكتەبىنىڭ ديرەكتورى:

- بۇل جىگىتتى 2015 جىلدىڭ قاراشا ايىندا جۇمىستان شىعاردىم. ەڭبەك كودەكسىنىڭ 54 بابى 1 تارماعى بويىنشا. ءبىراق سول ارەكەتتەرمەن سوتقا شاعىمداندى. سوتتىڭ شەشىمىمەن جۇمىسقا قايتا قوسىلدى.

ديرەكتور قول استىنداعى ءمۇعالىمنىڭ بۇل شۋى مەكتەپتەن تىس ۋاقىتتا بولعان دەگەندى ايتادى. ەگەر قۇقىق قورعاۋ ورگاندارى ءىستى تەرگەپ، ءمۇعالىمدى كىنالى دەپ تانىسا عانا جۇمىستان شىعارامىن دەپ وتىر. ال وبلىستىق ىشكى ىستەر دەپارتامەنتى ءمۇعالىمنىڭ ۇستىنەن ارىزدىڭ تۇسكەنىن، جانە ءقازىر بۇزاقىلىق بابى بويىنشا ءىس قوزعالعانىن ايتادى.