ءبىر دارىگەر وسىنداي حيكايا ايتادى دەپ جازادى قامشى اقپاراتتىق اگەنتتىگى mazhab.kz-كە سىلتەمە جاساي وتىرىپ. 
كابينەتىمە تەكسەرىلۋ ءۇشىن شامامەن الپىس جاستاعى جاسى ۇلكەن اپا مەن وتىز جاستاعى جىگىت كىرىپ كەلدى. جىگىتتىڭ كەمپىرگە بولعان وتە جىلى قارىم-قاتىناسى مەنىڭ نازارىمدى تارتتى. ويتكەنى ول كەمپىردىڭ قولىن ۇستاپ جانە ۇستىندەگى جامىلعىسىن تۇزەتىپ قويادى. قولىمەن تاماق پەن سۋ بەردى. كەمپىردىڭ جاعدايىن سۇراپ، قاجەتتى قاعازدارىن الىپ كەلۋدى ايتقانىمنان سوڭ، جىگىتتەن كەمپىردىڭ سانا-سەزىمى تۋرالى سۇرادىم. سەبەبى كەمپىردىڭ ارەكەتتەرى، بەرگەن جاۋاپتارى ءبىرتۇرلى ەدى. ەركەك بىلاي دەپ جاۋاپ بەردى: 
- ول تۋىلعاننان بەرى وسىلاي. سانا-سەزىمى جەتىلمەي قالىپ قويعان. تاڭدانىپ: 
- ونى كىم باعادى؟- دەپ سۇرادىم. 
جىگىت: 
- مەن،- دەدى. 
- سولايما؟ ونىڭ كيىمدەرى مەن دەنەسىن كىم تازا ۇستايدى؟- دەدىم. 
- ونى مونشاعا مەن الىپ كىرىپ، كيىمدەرىن ءىلىپ قويامىن. سوسىن شومىلىپ بولعانشا كۇتىپ تۇرامىن. كىر كيىمدەرىن جۋىپ بەرەمىن جانە قالاعان كيىمدەرىن ساتىپ اپەرەمىن،- دەپ جاۋاپ بەردى جىگىت. 
- نەگە وعان قارايتىن ءبىر قىزمەتشى ايەل المايسىز؟- دەدىم. 
ول: 
- ويتكەنى بايعۇس انام بالالارعا ۇقساپ ارىز ايتۋدى بىلمەيدى. سول ءۇشىن قىزمەتشىنىڭ اناما ءزابىر كورسەتىپ، كوڭىلىن اۋىرتۋىنان قورقامىن! 
- ءسىز ۇيلەنگەنسىزبە؟ 
- يا ءالحامدۋليللاھ! پەرزەنتتەرىم دە بار. 
- ولاي بولسا اناڭىزعا جۇبايىڭىز قارايدى ەكەن عوي؟ 
- ول دا قولىنان كەلگەنىنشە قامقورلىق تانىتادى. تاماعىن ءپىسىرىپ، ىشكىزىپ-جەگىزەدى. اناما جاردەم بەرۋ ءۇشىن ايەلىمە قىزمەتشى ايەل دە جالداعانمىن. ءبىراق مەن ءوزىم انام مەن تاماقتانۋدى جاقسى كورەمىن. سەبەبى ونىڭ قانت ديابەتى بار. 
ونىڭ سوزدەرىن ەستىپ تاڭ قالىپ جانە كوزىمنىڭ جاستارىن ارەڭ ۇستاپ تۇردىم. سول كەزدە كەمپىردىڭ قولىنداعى تىرناقتارىنىڭ الىنعانىن دا بايقاپ قالدىم جانە: 
- ونىڭ تىرناقتارىن كىم الادى؟- دەدىم. 
- دارىگەر حانىم، ونىڭ تىرناقتارىن ءوزىم الامىن. ءوزى تىرناق الۋدى بىلمەيدى، - دەپ جاۋاپ بەردى ۇلى. 
كەمپىر ۇلىنا قاراپ: 
- ماعان قاشان كارتوپ ساتىپ الاسىڭ؟- دەپ قالدى. 
- ءقازىر، اناشىم! ءوزىڭىزدى دۇكەنگە الىپ بارامىن!- دەدى ۇلى. 
انا سول كەزدە بالاشا قۋانىپ: 
- ءقازىر بارامىز! ءقازىر بارامىز!- دەپ جىبەردى. 
ۇلى ماعان قاراپ: 
- انامنىڭ مۇنداي قۋانىشىن كەنجە ۇلىمنىڭ قۋانىشىنان دا ابزال كورەمىن!- دەدى ءسۇيسىنىپ. 
مەن قاتتى اسەرلەنگەنىمدى سەزدىرمەۋ ءۇشىن ونىڭ مەديسينالىق كارتوچكاسىن پاراقتاي باستادىم. سوسىن: 
- ونىڭ سىزدەن باسقا جاقىنى بارما؟- دەپ سۇرادىم. 
- مەن ونىڭ جالعىز ۇلىمىن. ويتكەنى اكەم ۇيلەنگەنىنەن سوڭ ءبىر اي ءوتىپ اناممەن اجىراسقان ەكەن،- دەپ جاۋاپ بەردى. 
- ولاي بولسا ءسىزدى اكەڭىز تاربيەلەگەن بولار؟ 
- جوق، ماعان جانە اناما ناعاشى اجەم قاراعان جانە مەن 10 جاسقا تولعانىمدا ول كىسى دۇنيە سالعان. اللا ونى راقىمىنا السىن! 
- ءسىز اۋىرعان كەزدەرىڭىزدە اناڭىز قاراعانبا؟ ونىڭ سىزگە ءبىر رەت بولسا دا انالىق مەيىرىم بەرىپ، قاراعان كەزى بولدىما؟ 
باسقاشا ايتساق: قۋانىشىڭىز بەن قايعىڭىزعا ورتاق بولدىما؟ 
- جوق دارىگەر حانىم. سول ون جاسىمنان بەرى بىلەتىنىم، انام وسىنداي اقىلى ازايىپ، مۇگەدەك. سول كەزدەن باستاپ مەن ونىڭ قولى مەن اياعى بولدىم. باسىنا بىرەر پالەكەت كەلمەسىن دەپ قورقامىن. 
مەن ارى قاراي ولارعا دارىلەر ءتىزىمىن جازىپ، قالاي قولداناتىندارىن ءتۇسىندىردىم. ۇلى اناسىنىڭ قولىنان ۇستادى دا: 
- مىنە ەندى دۇكەنگە بارامىز،- دەدى. 
كەمپىر: - مەككەگە بارمايمىزبا؟- دەدى. 
تاڭداندىم جانە: 
- ونى مەككەگە قالاي الىپ باراسىز؟- دەدىم. 
- ۇشاقپەن!- دەدى. 
- راسىمەن الىپ باراسىزبا؟ 
- ارينە. 
- اناڭىز ۋمرا جاساماسا دا بولادى عوي. نەگە ونى ۋمراعا الىپ بارىپ، ءوزىڭىزدى قينايسىز؟ 
- بالكىم ۋمراعا الىپ بارسام انام سۇيىنەر. بۇل مەن ءۇشىن الەمدەردىڭ راببىسى بولعان اللانىڭ قۇزىرىندا جالعىز قىلعان ۋمرامنان ساۋاپتىراق بولماق! 
ولار كابينەتىمنەن شىعىپ كەتتى. ەسىكتى جاپتىم دا مەدبيكەگە الدىما ەشكىمدى كىرگىزبەۋىن ەسكەرتتىم. ىشىمنەن كەلگەن كوز جاسىن تيا المادىم. وزىمە-وزىم بىلاي دەپ سىبىرلادىم: 
- بۇل كەمپىر ۇلىنا جۇكتى بولىپ، تۋعاننان باسقا انالىق قىزمەتىن دە قىلماپتى. نە تاربيە بەرمەگەن، نە تۇندەرى ۇيقىسىز بەسىك تەربەتپەگەن. قايعى-مۇڭىنا دا ورتاق بولماعان. ونىڭ قامىن ويلاپ، كەلەشەگى ءۇشىن باستا اۋىرتپاعان. ءبىراق ۇلداعى مەيىرىم مەن قامقورلىقتى قارا! كانە ايتشى، اقىل-ەسى جايىندا بولعان انالارىمىزعا مىنا جىگىتتىڭ اقىلى كەمشىندەۋ اناسىنا قىلعان جاقسىلىعىن قىلۋدامىز با؟ 

شولۋشى: اسەل وتەشوۆا