ءبىر ناماز وقيتىن، ءدىندار قىزعا قاراپايىم، ءبىراق دىنمەن ءىسى جوق جىگىت عاشىق بولىپتى دەپ جازادى قامشى اقپاراتتىق اگەنتتىگى mazhab.kz-كە سىلتەمە جاساي وتىرىپ. سول قىزعا قۇدا ءتۇسىپ، ەكەۋى ۇيلەنىپتى.
تويدان كەيىن جىگىت كەلىنشەگىنە كوپ كوڭىل ءبولىپتى، سىيلىقتار بەرىپتى. كەلىنشەگىنە جاقسى قاراپ، اتا-اناسىنىڭ كوڭىلىن، جاعدايىن سۇراۋدى ۇمىتىپتى. ءبىر كۇنى جۇمىستان كەلسە، كەلىنشەگى ماڭىزدى اڭگىمەسى بار ەكەنىن ايتىپ، بولمەلەرىنە شاقىرىپتى. سوسىن:

- ماعان تالاق بەر، سەنىمەن اجىراسۋدى قالايمىن، - دەپتى ايەلى.

- قالايشا؟ نە ءۇشىن؟ مەن سەنى جاقسى كورەمىن، قۇرمەتتەيمىن. كوڭىلىڭە ۇناماي جاتقان نە؟ - دەپ قورقىنىشپەن سۇراپتى جىگىت.

- دۇرىس، ماعان جاقسى قارايسىڭ. سىيلىقتار بەرەسىڭ، كوڭىلىمدى كوتەرەسىڭ. ءبىراق سەن ءوز اتا-اناڭدى ۇمىتىپ قويدىڭ. ولارعا مۇلدەم كوڭىل بولمەيسىڭ. ءقازىر، ءالى بالالارىمىز پايدا بولماي تۇرىپ اجىراسىپ كەتكەنىمىز ءجون. ەرتەڭ ۇلىمىز سەنەن ۇلگى الىپ وسسە، ۇيلەنگەننەن سوڭ بىزگە مۇلدەم كوڭىل بولمەي قويسا مەنىڭ جۇرەگىم اۋىرمايدى ما؟! - دەپ سۇرادى كەلىنشەگى.
جىگىت ءوزىنىڭ بار قاتەسىن ءتۇسىنىپ، اتا-اناسىنان كەشىرىم سۇراپتى....

شولۋشى: اسەل وتەشوۆا