امەريكا قۇراما شتاتىنداعى  ورەگوندادا 34 جاستاعى توماس بيتي ەسىمدى ەر ادام  قىز بالانى دۇنيەگە اكەلدى. بۇنداي وقيعا الەمدە ءبىرىنشى رەت بولىپ تۇر دەپ حابارلايدى قامشى اقپاراتتىق اگەنتتىگى.

كىشكەنتاي ءسابيدىڭ دەنساۋلىعى وتە جاقسى. كىشكەنتاي ءسابي توماستىڭ ءبىرىنشى ءسابيى ەكەن. دارىگەرلەردىڭ ايتۋىنا قاراماستان توماس كەسەرمەن ەمەس تابيعي جولمەن دۇنيەگە اكەلگەن.

«مەنىڭ باسقا انالارعا قاراعاندا ەرەكشەلىگىم، مەن سابيىمە انا ءسۇتىن بەرە المايمىن»،- دەيدى باقىتتى اكە جۋرناليستەرگە بەرگەن سۇحباتىندا.

 نەگىزىندە 34 جاستاعى توماس بيتي دۇنيەگە قىز بالا  بولىپ كەلگەن.  ول كەزدە توماستى ترەيسي لەگوندينو دەپ اتاپ جۇرگەن. ترەيسي وتە ادەمى قىز بولعان جانە ءسان بيكە بولىپ جۇمىس جاساپ ءجۇرىپتى. ترەيسي «Miss Hawai Teen USA» سايىسىنىڭ جەڭىمپازى دا بولعان. ترەيسي 20 جاسىندا ەر ادامعا اۋىسۋعا بەل بۋىپ، ادام تانىماستاي بولىپ وزگەرەدى.

توماس ەڭ ءبىرىنشى ءتول قۇجاتتارىن اۋىستىرادى. سودان كەيىن وتا جاساتىپ ەر ادامعا اينالادى. توماس ساقال مۇرتىن ءوسىرۋ ءۇشىن جانە داۋىسىن وزگەرتۋ ءۇشىن اپتالاپ دارىلەر ىشەدى. توماس تاعىدا وپەراسيا  جاساتىپ  ءسۇت بەزدەرىن الدىرتىپ تاستايدى. ءبىراق توماس  انالىق جاتىرى قالدىرىپ قويادى.

توماس ۇيلەنىپ، 2003 جىلى زاڭدى نەكەگە تۇرادى. 2005 جىلى وتباسىمەن  بەند شتاتىندا  جەيدە شىعاراتىن فيرما اشادى. توماستىڭ وتباسى  بالالارى بولعانىن قالايدى. توماس ويلانا كەلە دۇنيەگە ءسابي اكەلۋگە بەل بۋادى. توماسقا بىرنەشە مەديسينالىق ورتالىقتار كومەكتەسۋدەن باس تارتادى، ءبىراق ءبىراز ۋاقىتتان كەيىن دارىگەرلەر كومەك كورسەتۋگە شەشىم قابىلداعان. دارىگەرلەر توماسقا   جاساندى ۇرىقتاندىرۋ جولىمەن بالالى بولۋعا بولاتىنىن ايتادى. بۇل  وقيعادان كەيىن ەرلى-زايىپتىلار الەمگە ايگىلى  بولادى. كەلەسى جىلى توماستىڭ ءومىرى تۋرالى كىتاپ شىعادى

جۇكتى ەر ادام دۇنيەگە قىز اكەلدى.