وڭتۇستىك تەحاس اڭشىلىق  اسسوسياسياسى  ماركۋس رانگەل ەسىمدى اڭشىنىڭ ەرەكشە ءتۇسىمىن جاريالاعان. بۇل سۋرەتتە ەر ادام 6 كەلىلىك قۇرباقانى ۇستاپ تۇر. ونىڭ سوزىنە قاراعاندا، قوسمەكەندى ءوزىنىڭ رانچوسىنداعى سۋدىڭ ىشىندە مەكەندەگەن. بۇل تۋرالى  South Texas Hunting Assoc  حابارلايدى.
ەگەر اتالعان جاعداي راستالاتىن بولسا، بۇل جانۋار الەمدەگى ەڭ ۇلكەن قۇرباقا رەتىندە  گينەسس رەكوردتار كىتابىنا ەنگىزىلەدى. 
الايدا جەلى قولدانۋشىلارى اراسىندا بۇل سۋرەتتەگى قۇرباقا ەمەس دەيتىندەر دە تابىلدى. بلوگەرلەردىڭ ءبىرى 12 كەلىلىك چيحۋا-حۋا دا بۇل قۇرباقادان ءۇش ەسە كىشى دەيدى. 
دەگەنمەن، تەحاستىڭ جابايى تابيعات پەن ساياباق دەپورتامەنتىنىڭ قىزمەتكەرى جەلى قولدانۋشىلارىنا بۇل سۋرەتتە راسىمەن دە قۇرباقا بەينەلەنگەن ەكەنىن مالىمدەدى. بۇل جەردە سەنىمسىزدىك تۋدىرىپ تۇرعان نارسە اڭشىنىڭ قۇرباقانى ۇزىن تاياقتا ۇستىپ تۇرعانى. وسىنىڭ ەسەبىنەن قۇرباقا تىم ۇلكەن بولىپ كورىنەدى.

شولۋشى: نازەركە مۇسا