ادامداردىڭ كوبى ورتاعاسىردى الەمدىك تاريحتاعى ناداندىق پەن مادەنيەتسىزدىكتىڭ شىڭىنا جەتكەن كەزەڭ دەپ ەسەپتەيدى. ونىڭ شىندىققا جاناساتىن تۇستارى بار. الايدا تاريحشىلار كوپ دايەكتەر ادەبيەت پەن كينەماتوگرافياداعى ويدان شىعارىلعان دايەكتەرگە نەگىزدەلگەن دەپ ەسەپتەيتىندەرىن ايتادى.
قامشى اقپاراتتىق اگەنتتىگى تاريحشىلاردىڭ جۇرگىزگەن زەرتتەۋلەرىنە سايكەس كوپ ادام شىندىق دەپ ەسەپتەپ جۇرگەن بىرنەشە الەم تاريحىنداعى اڭىزدى نازارلارىڭىزعا ۇسىنادى.
شاراپ پەن سىرا لاس سۋدىڭ ورنىنا
بىردە-بىر ەلدى مەكەن ول ۋاقىتتا سۋسىز ءومىر سۇرە الماعاندىعى امبەگە ايان. ەگەر سۋ لاستانعان بولسا ءتىرى جاننىڭ تىرشىلىك ەتە الماسى انىق. سوندىقتان ادامدار لاس سۋدىڭ ورنىنا شاراپ پەن سىرانى ءىشتى دەۋگە كەلمەس.
ادامدار 30 جاسقا دەيىن عانا ءومىر ءسۇردى
شىن مانىسىندە بۇل جاي عانا ستاتيستيكا. ول كەزدە ءار وتباسىندا بالا ءولىمى تىركەلگەن. ەگەر بالالىق كەزەڭنەن امان-ەسەن شىقسا 50-دەن 70 جاسقا دەيىن ءومىر سۇرگەن. ال 30 دەگەنىمىز قاريالار مەن بالالاردىڭ ورتاشا جاسى.
ادالدىق بەلدىگى
تابىلعان تەمىر بەلدىكتەردىڭ بارلىعى قازىرگى زاماننىڭ ادامدارىنىڭ قولىنان جاسالعان. XIX عاسىردا ادامدار 1405 جىلى سالىنعان سۋرەتكە قاراپ شابىت الاتىن. وندا ەجەلگى ريمدىك ءداستۇر بەينەلەنگەن. وعان سايكەس، قالىڭدىقتىڭ بەلى مەن جامباسىن ارنايى بەلدىكپەن ورايتىن. ول تازالىق پەن پاكتىكتىڭ بەلگىسى بولىپ ەسەپتەلەتىن.
دايىنداعان: سابينا رامازان
