يندونەزيا مەن تايلاند جاعالاۋلارىندا بولعان جويقىن جەر سىلكىنىسىنە، ونىمەن قوسا الاپات سۋناميگە وسىمەن 12 جىل تولدى. 300 مىڭ ادامعا دەيىن قازا تاپتى، امان قالعاندار اۋىر جاراقاتتاندى، ءۇيسىز، كۇيسىز قالدى. سول كۇنگى جاڭعىرىق، حالىقتىڭ سول كۇنگى زارى بۇگىنگى كۇنگە دەيىن ەلدىڭ قۇلاعىندا.

سۋنامي كەزىندە راۋدحاتۋل دجاننا ەسىمدى ءبۇلدىرشىن ۇشتى-كۇيلى جوعالىپ كەتكەن. وتباسى، تۇرعىندار سولاي دەپ بولجاعان. سەبەبى، جويقىن اپاتتان كەيىن ونىڭ نە ءتىرى، نە ءولى دەنەسى تابىلماعان.

قىزدارىن ىزدەپ تابۋ ءۇشىن اتا-انا بىرنەشە ايىن جۇمسادى: قالانىڭ ءار بۇرىشىنا حابارلاندىرۋلار ءىلىپ، بۇزىلعان ايماقتىڭ ءبارىن ىزدەدى. قىز اقىرى تابىلماعان.

ءسويتىپ، ارادا 10 جىل ءوتتى. بىردە راۋدحاتۋلدىڭ اعاسى كوشەدە الاڭسىز كەتىپ بارا جاتىپ، تانىس ادامدى كورگەندەي بولادى. ءۇڭىلىپ قاراسا، ءوزىنىڭ قارىنداسى، 10 جىل بۇرىنعى اپاتتان جوعالىپ كەتكەن قىز ەكەنىن بايقايدى، ءتىپتى ءوز كوزىنە ءوزى سەنبەگەن. جوعالعان بالا ولمەگەن ەكەن، ونى ميريام ەسىمدى قارتاڭ كەلگەن ايەل تاۋىپ الىپ، وسىرگەن. سونداي-اق، قىز ءوز اتا-اناسىنان نەبارى 80 كم. جەردە ورنالاسقان.

10 جىلدان كەيىن قىز بالا وتباسىمەن قاۋىشتى. بۇگىندە جاسى 14-تە، اتا-اناسى قىزدارىنىڭ قايتىپ كەلگەنىنە ءالى كۇنگە دەيىن سەنبەي ءجۇر. بىر-بىرىمەن قاۋىشقانداعى ساتتەرىن وتباسى ەشقاشان ۇمىتپايدى.  

شولۋشى: سابينا رامازان