الماتىنىڭ اۋدانارالىق قىلمىستىق ىستەر بويىنشا مامانداندىرىلعان سوتىندا ادام ءولتىرۋ قىلمىسى بويىنشا كۇدىكتىگە قاتىستى سوت ۇكىمى شىقتى، - دەپ حابارلايدى قامشى اقپاراتتىق اگەنتتىگى تengrinews.kz سايتىنا سىلتەمە جاساپ.

سوت 2016 جىلدىڭ 23 ناۋرىزىندا كۇدىكتى بۇرىن جانجالداسىپ قالعان ازاماتتىڭ ۇستىنە ورتەنگىش سۇيىقتىق شاشىپ، وت قويعانىن انىقتادى. وقيعا دۇكەننىڭ ىشىندە بولعان. وسىدان كەيىن كۇدىكتى سىرتقا شىعىپ، وت لاۋلاپ كەتكەنشە ەسىكتى جاۋىپ تۇرعان. كۇدىكتى وقيعا ورنىنان قاشىپ كەتكەن. 

دەنەسىن كۇيىك شالعان ازامات وقيعا ورنىندا كوز جۇمعان.   

سوت شەشىمى بويىنشا، كۇدىكتى ق ر قك-نىڭ 99-بابىنىڭ 5-بولىگىنىڭ 2-تارماعى بويىنشا ايىپتى دەپ تانىلىپ، 15 جىلعا باس بوستاندىعىنان ايىرىلدى. سوتتالعان ازامات جازاسىن قاتاڭ تارتىپتەگى كولونيادا وتەيدى.

سوت ۇكىمى زاڭدى كۇشىنە ازىرشە ەنگەن جوق.