جاس جۇبايلار داينا مەن مەتت مەيگەر اقش-تىڭ ماچيگان شتاتىنىڭ تۇرعىندارى. وتكەن جىلى ولار وزدەرىنىڭ قىزدارى لۋەللانىڭ دۇنيەگە كەلۋىن اسىعا كۇتۋمەن بولعان. ايەلدىڭ تولعاعى 18 ساعاتقا جالعاسقان. تولعاق بارىسىندا انا مەن بالانىڭ دەنە قىزۋى جوعارىلاپ، تىنىستارى جيىلەي باستاعان. ناتيجەسىندە داينا 23 قازان كۇنى ءسابيىن دۇنيەگە اكەلگەن.

جاس انا داينا  Facebook پاراقشاسىندا ءوزى ەستىگەن وقيعانى جازعان بولاتىن. قامشى اقپاراتتىق اگەنتتىگى  جۇرەككە اسەر ەتەتىن وقيعانى  وقىرمانعا ۇسىنادى. 

"العاش شىركەۋگە  بارعان كەزدە شىركەۋ ىشىندە ميسسيونەر باسىنان وتكەرگەن وقيعاسىمەن ءبولىستى. تىڭداپ وتىرىپ جۇرەگىڭ قاق ايىرىلاتىن وقيعانى وقىپ ەشكىمنىڭ ەلەۋسىز قالدىرمايتىنى انىق. الگى ميسسيونەر ۋگانداعى بالالار ءۇيىنىڭ بىرىندە بولعان ەكەن. ەر ادام 100 توسەك ورىن قاتار تىزىلگەن نارەستەلەردىڭ بولمەسىنە كىرگەن. بارلىعىندا دۇنيە ەسىگىن جاقىن ارادا اشقان سابيلەر جاتىر. الايدا 100 ءسابيدىڭ ءبىر بولمەدە جاتقانىنا قاراماستان، شىبىننىڭ ىزىڭى ەستىلەتىن تىنىشتىققا تاڭ قالادى. بالالاردىڭ كۇتۋشىسىنەن بۇل تىنىشتىقتىڭ ءمانىن سۇراعان ميسسيونەر ءبىراز ۋاقىت ۇنسىزدىكتە تۇرىپ قالعان. 

مەدبيكە ميسسيونەرگە قاراپ: "بۇل سابيلەر ءبىدىڭ ورتالىققا كەلگەن ساتتە ساعاتتاپ توقتاۋسىز جىلاۋمەن بولادى. كۇن وتەدى، ارتىنشا اپتا دا كەلىپ جەتەدى. ولاردى ەشكىم كەلىپ جۇباتپايتىنىن بىلگەن سوڭ جىلاۋىن توقتاتادى" دەپ جاۋاپ بەرگەن ەكەن.

ولار وزدەرىن ەشكىمنىڭ ىزدەپ كەلمەيتىنىن سەزگەن ساتتەن باستاپ جىلاۋىن توقتاتادى ەكەن. 

وسى وقيعانى ەستىگەن ساتتە جۇرەگىم قان جىلاپ، ءوز سابيىمە ءسوز بەردىم. وزىمە ءسوز بەردىم. 

ءاردايىم جانىنان تابىلامىز دەپ ۋادە ەتتىم. تۇنگى ساعات 2 بولسىن ءسابيىمنىڭ ءۇنىن ەستىسەم جانىنان تابىلۋعا تىرىسامىن. ول وسكەندە دە ماڭىزدى شەشىمدى قابىلدايمىن دەپ قينالمايتىن بولادى. ءبىز ونىڭ قوس تىرەگىمىز. ءبىز ءاردايىم جانىندا بولامىز".

شولۋشى: ايگەرىم تاۋباي