«بولاشاق» باعدارلاماسىنا بىرنەشە وزگەرىستەر ەنگىزىلدى دەپ حابارلايدى قامشى اقپاراتتىق اگەنتتىگى. وسى وزگەرىستەر، ەڭ الدىمەن، «بولاشاق» ستيپەندياسىن تاعايىنداۋ ءۇشىن ۇمىتكەرلەردى كونكۋرستىق ىرىكتەۋ راسىمىنە، سونداي-اق كونكۋرسقا قاتىسۋ ءۇشىن كىرىس ولشەمشارتتارعا قاتىستى.
وزگەرىستەر «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىن بەكىتۋ جانە «بولاشاق» حالىقارالىق ستيپەندياسىن جۇمساۋ باعىتتارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 11 ماۋسىمداعى № 573 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 19 مامىرداعى № 279 قاۋلىسىمەن ەنگىزىلدى. قاۋلى بۇقارالىق اقپارات قۇرالدارىندا جاريالاندى جانە 2017 جىلعى 23 مامىردان باستاپ قولدانىسقا ەنگىزىلدى.
وسى وزگەرىستەر، ەڭ الدىمەن، «بولاشاق» ستيپەندياسىن تاعايىنداۋ ءۇشىن ۇمىتكەرلەردى كونكۋرستىق ىرىكتەۋ راسىمىنە، سونداي-اق كونكۋرسقا قاتىسۋ ءۇشىن كىرىس ولشەمشارتتارعا قاتىستى.
اكادەميالىق باعدارلامالار ءۇشىن (ماگيستراتۋرا، دوكتورانتۋرا، رەزيدەنتۋرا) ۇمىتكەرلەردىڭ بارلىق ساناتتارىنا ىرىكتەۋدىڭ جاڭا قاعيدالارىنا سايكەس باكالاۆر نەمەسە مامان ديپلومىنىڭ ورتاشا بالىنا قويىلاتىن تالاپتار 3.0-دەن 3.3 (4.0/4.33-تەن) GPA دەڭگەيىنە دەيىن وزگەرتىلدى.
ودان باسقا، «ماگيستراتۋرا» باعدارلاماسى بويىنشا ۇمىتكەرلەردىڭ بارلىق ۇلەستىك ساناتتارى ءۇشىن اعىلشىن ءتىلىن مەڭگەرۋ دەڭگەيىنىڭ ولشەمشارتتارى IELTS جۇيەسى بويىنشا 5.0 بالدان 5.5 بالعا دەيىن كوتەرىلدى. سونىمەن، «ينجەنەرلىك-تەحنيكالىق ماماندىق» ساناتى بويىنشا ۇمىتكەرلەرگە قويىلاتىن تالاپتار بۇرىنعى دەڭگەيدە – IELTS 5.0 قالادى.
سونىمەن بىرگە، IELTS 6.5 جانە ودان جوعارى سەرتيفيكاتى بار، سونداي-اق GPA 3.3 جانە ودان جوعارى ديپلومى بار تۇلعالارعا كونكۋرسقا قاتىسۋ ءۇشىن «جالپى كونكۋرس» جاڭا ساناتى ەنگىزىلدى. ۇمىتكەرلەردىڭ وسى ساناتى ءۇشىن جۇمىس ءوتىلى مەن جۇمىس بەرۋشى ءوتىنىمىنىڭ بولۋىنا تالاپ قويىلمايدى.
وسى سانات ماگيستر دارەجەسىن الۋ ءۇشىن ستيپەندياتتاردىڭ باسقا ساناتتارىمەن قاتار، وقۋ ەلىنىڭ ءبىلىم بەرۋ جانە الەۋمەتتىك-مادەني ورتاسىنا بەيىمدەلۋ ماقساتىندا 2 ايعا دەيىنگى مەرزىمدە وقۋ الدىنداعى دايارلىقتان (pre-master's) ءوتۋ مۇمكىندىگىن بەرەدى.
ستيپەندياتتاردى وقىتۋ ءۇشىن جوعارى وقۋ ورىندارى ءتىزىمى جالپى كورسەتكىشتەر بويىنشا الەمدەگى 70 ۇزدىك جوعارى وقۋ ورنىنان، سونداي-اق ماماندىقتار بويىنشا الەمدەگى 20 ۇزدىك جوعارى وقۋ ورنىنان Times Higher Education، Academic Ranking of World Universities جانە QS World Universities Rankings سياقتى حالىقارالىق تانىمال رەيتينگتىك اگەنتتىكتەردىڭ مالىمەتتەرىنە سايكەس قالىپتاستىرىلعانىن دا اتاپ ءوتۋ كەرەك.
ودان باسقا، ستيپەنديا تاعايىنداۋ ءۇشىن ۇمىتكەرلەردى كونكۋرستىق ىرىكتەۋ راسىمىنە وزگەرىستەر ەنگىزىلدى. 2017 جىلدان باستاپ كونكۋرس 6 (التى) كەزەڭنەن تۇراتىن بولادى.
ءبىرىنشى كەزەڭدە تاۋەلسىز ساراپشىلار ۇمىتكەرلەردى ۋاجدەمەلىك جانە ۇسىنىم حاتتار بويىنشا ازىرلەنگەن ولشەمشارتتارعا سايكەس ىرىكتەۋدى جۇرگىزەدى. ۋاجدەمەلىك حات ەرىكتى نىساندا جازىلاتىن جانە تاڭدالعان وقۋ ەلى مەن ماماندىققا قاتىستى دالەلدەردى كەلتىرۋمەن جەكە كوزقاراستار مەن پىكىرلەر سيپاتتاماسىن قامتيتىن شىعارما بولىپ تابىلادى. (تولىعىراق: https://www.bolashak.gov.kz/ru/pretendentu/rekomendatsii/rekomendatsii-po-podgotovke-dokumentov.html).
ەكىنشى كەزەڭدە ۇمىتكەردىڭ شەت ءتىلىن مەڭگەرگەن دەڭگەيى انىقتالادى.
ءۇشىنشى كەزەڭدە ۇمىتكەردىڭ مەملەكەتتىك ءتىلدى مەڭگەرگەن دەڭگەيى انىقتالادى.
ءتورتىنشى كەزەڭدە ۇمىتكەردى پسيحولوگيالىق دياگنوستيكادان وتكىزۋدى، قازاقستان رەسپۋبليكاسىنىڭ كونستيتۋسياسى مەن تاريحىن ءبىلۋىن تەستىلەۋدى قامتيتىن كەشەندى تەستىلەۋ وتكىزىلەدى.
بەسىنشى كەزەڭ تاۋەلسىز ساراپاتامالىق كوميسسيامەن (بۇدان ءارى – تسك) جەكە اڭگىمەلەسۋ نىسانىندا وتەدى، وندا ۇمىتكەردىڭ كاسىبي دايارلىعىنىڭ دەڭگەيى، سونداي-اق ماماندانۋ بويىنشا قازاقستان رەسپۋبليكاسىنىڭ ستراتەگيالىق جانە باعدارلامالىق قۇجاتتارىن ءبىلۋى باعالانادى.
وسىدان كەيىن قورىتىندى ماتەريالدار ق ر مەملەكەتتىك حاتشىسى ءتوراعالىق ەتەتىن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ قاراۋىنا جىبەرىلەدى.
سونىمەن قاتار، ۇستىمىزدەگى جىلدا باعدارلاما شەڭبەرىندە تاعىلىمدامادان ءوتۋ تاسىلدەمەلەرى دە وزگەرتىلدى.
2017 جىلدا شەتەلدىك ۇيىمداردا تاعىلىمدامادان ءوتۋ ءۇشىن كەلەسى ساناتتار بەلگىلەندى: «عىلىمي قىزمەتكەرلەر» جانە «استانا» حالىقارالىق قارجىلىق ورتالىعى قىزمەتكەرلەرى». ءسويتىپ، تاعىلىمدامالار باعدارلاماسى الەمدەگى جەتەكشى زەرتحانالار نەگىزىندە عىلىمي زەرتتەۋلەر مەن تاجىريبەلەردى وتكىزۋ ءۇشىن عىلىمي ۇيىمدار، جوعارى وقۋ ورىندارى نەمەسە ولاردىڭ عىلىمي بولىمشەلەرىنىڭ قىزمەتكەرلەرىنە باعىتتالعان.
ودان باسقا، باعدارلاما تۇلەكتەرىنىڭ مىندەتتى ەڭبەكپەن وتەۋى بويىنشا بيىلعى جىلدان باستاپ جۇمىسپەن وتەۋدىڭ استانا مەن الماتى قالالارىندا 5 جىلدىڭ ورنىنا، وڭىردە 3 جىلدىق بالامالى مەرزىمىمەن «ءورتالىق-وڭىر» ۇلگىسى بويىنشا سارالانعان تەتىگى ەنگىزىلەدى. وسى تەتىك تۇلەكتەردىڭ بارلىق ساناتتارىنا تارالادى.
سوڭعىسى، وسى جىلى قۇجاتتاردى «ۇكىمەت – ازاماتتار ءۇشىن» مەملەكەتتىك كورپوراسياسى (حقكو) مەن «قازاقستان رەسپۋبليكاسىنىڭ ەلەكتروندىق ۇكىمەتى» پورتالى (www.egov.kz) ارقىلى ەلەكتروندى قابىلداۋعا تولىعىمەن اۋىسۋ قامتاماسىز ەتىلەدى.
كونكۋرسقا قاتىسۋ ءۇشىن قۇجاتتاردى تاپسىرۋ تارتىبىمەن ورتالىقتىڭ رەسمي سايتىندا كەلەسى سىلتەمەلەر بويىنشا تانىسۋعا بولادى: https://www.bolashak.gov.kz/projects/info/index3.html نەمەسە https://www.bolashak.gov.kz/projects/info/index2.html
كونكۋرستىق راسىمدەر 2017 جىلدىڭ مامىر ايىنان جەلتوقسان ايىنا دەيىن ۇزدىكسىز رەجىمدە وتەتىنىن اتاپ ءوتۋ كەرەك. قۇجاتتاردى قابىلداۋ 2017 جىلعى 29 مامىردان 15 قىركۇيەككە دەيىن وتەدى. ستيپەنديا تاعايىنداۋ كونكۋرسى 2017 جىلعى 5 ماۋسىمنان 20 جەلتوقسانعا دەيىن جۇزەگە اسىرىلادى.
شولۋشى: اسەل وتەشوۆا
