باكتەش نووري ەسىمدى بلوگەر مانچەستەردە ورناعان يسلاموفوبيانىڭ ءورشۋىن باسەڭدەتۋ ماقساتىندا كوشەگە «مەن مۇسىلمانمىن جانە مەن ساعان سەنەمىن. ال مەن ماعان قانشالىقتى سەنەسىڭ؟» دەگەن  جازۋ جازىپ الىپ اكسياعا شىققان.  جىگىت كوزىنە قارا بايلاۋ تاعىپ الىپ قۇشاعىن كەڭ جايىپ ادامداردى ونى قۇشاقتاۋعا شاقىرىپ تۇرعان. بۇل تۋرالى قامشى اقپاراتتىق اگەنتتىگى شەتەلدىك باق-قا سىلتەمە جاساپ حابارلايدى.

ءبىراز ۋاقىت ەشكىم ونىڭ قاسىنا جاقىنداماعان. الايدا  قاعازدا جازىلعان سوزدەردى وقىعان جۇرت جىگىتتىڭ باستاماسىن قولدايتىندىقتارىن ءبىلدىرىپ قۇشاقتارىن كەڭ جايعان.

«سەنى كۇندە قۇشاقتايتىن بولامىن. سەبەبى مەن ساعان سەنەمىن»، «سەن جالعىز ەمەسسىز» دەگەن سەكىلدى سوزدەر ايتىلدى. بلوگەر جىگىت بۇل تاجىريبەسىن YouTube الەۋمەتتىك جەلىسىنە سالىپ 1،5 ميلليوننان اسا قارالىم جيناعان.

مانچەستەردىڭ تۇرعىندارى بلوگەر جىگىتتىڭ بۇل باستاماسىن جاقسى قابىلداعان.

شولۋشى: نازەركە مۇسا