قازاقستان-قىرعىزستان شەكاراسىنداعى «ايشا ءبيبى» كەدەن بەكەتىندە ءىرى كولەمدە گەروين وتكىزبەك بولعان قىلمىسكەر ۇستالدى، دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساپ.
Opel Zafira اۆتوكولىگىنە 15 كەلى شاماسىندا اق ۇنتاق تيەگەن 30 جاستاعى قىرعىزستاندىق تاۋاردى ماسكەۋگە جەتكىزبەك بولعان. تاراز-تالاس قالالارىن جالعايتىن اۆتوماگيسترال بويىندا ورنالاسقان «ايشا ءبيبى» كەدەن بەكەتىنەن كۇنىنە 6-7 مىڭ ادام ءوتىپ، مىڭعا جۋىق اۆتوكولىك قاتىنايدى. بىلتىر وسى كەدەندە 315 ءتارتىپبۇزۋشىلىق تىركەلىپ، 7 ادام ءىرى كولەمدەگى ەسىرتكىمەن ۇستالعان.
شولۋشى: ايگەرىم تاۋباي
