تەراكتىدەن كەيىنگى لوندوننىڭ قازىرگى جاعدايى (فوتو)

/uploads/thumbnail/20170710100908000_small.jpg

جەكسەنبىگە قاراعان ءتۇنى لوندوندا تەراكتى بولدى دەپ حابارلايدى قامشى اقپاراتتىق اگەنتتىگى. فۋرگون بىرنەشە ادامدى قاساقانا قاققان. وسى جاعدايدان كەيىن بىرنەشە ادام كوشەدەگى جۇرگىنشىلەرگە پىشاقپەن شابۋىل جاساعان. رەسمي دەرەكتەرگە ساي، 6 ادام كوز جۇمدى، 48 ادام جارالاندى.

پوليسيانىڭ مالىمەتىنشە، كۇدىكتىلەردىڭ سانى ۇشەۋ بولعان. ولاردى وقيعا ورنىنا كەلگەن پوليسەيلەر سول جەردە اتىپ ءولتىردى.

باستاپقى كەزدە فۋرگون جۇرگىزۋشىسىن ۇستادى دەگەن اقپارات تاراعان. سەبەبى كۋاگەرلەر وقيعا ورنىندا كىسەندەلگەن ادامدى كورگەن. الايدا بۇل اقپارات راستالمادى. سەبەبى كۇدىكتىلەردىڭ ەشقايسىسى ءتىرى قالماعان.

ەكىنشى شابۋىلدان كەيىن Sun گازەتى پوليسەيلەردىڭ كۇدىكتىلەردى اتقانىن حابارلادى. ال الەۋمەتىك جەلىدە ادامدارعا شابۋىل جاساعانداردىڭ ءبىرىنىڭ فوتوسى جاريالاندى. فوتودان ەر ادامنىڭ دەنەسىندە بومباعا ۇقساس جارىلعىش زات ورناتىلعانىن كورۋگە بولادى.

پوليسيا ۇزاق ۋاقىت ەشقانداي اقپارات بەرمەدى. ولار ءقاۋىپ ءالى سەيىلمەگەنىن جەتكىزگەن. جەرگىلىكتى ۋاقىت بويىنشا تاڭعى ساعات تورتتە پوليسيا جۇرگىزگەن وپەراسيا ناتيجەسىندە ءۇش ادامنىڭ كوزى جويىلدى جانە ولاردىڭ دەنەسىندە جارىلعىش زات ورناتىلعانى راستالدى.

لوندونداعى قازىرگى جاعداي قانداي؟

بورو-ماركەتا كوپىرى ءالى پوليسيانىڭ قورشاۋىندا. جەرگىلىكتى باق-تىڭ مالىمەتىنشە، پوليسيا وزدەرىن ءقاۋىپ سەيىلگەندەي ۇستاۋدا. سوعان قاراعاندا، بارلىق كۇدىكتى قۇرىقتالعان سەكىلدى دەيدى جەرگىلىكتى ب ا ق.

پوليسيا شابۋىل كەزىندە كۇدىكتىلەردەن قورعانىپ بىرەۋ كوپىردەن سەكىرىپ كەتۋ مۇمكىن دەپ بولجاپ، تەمازانى دا تەكسەرىپ ءجۇر.

جاراقات العانداردىڭ بارلىعى اۋرۋحاناعا جەتكىزىلدى. دارىگەرلەر ازاماتتاردى اۋرۋحاناعا تەك قاتتى قاجەتتىلىك بولسا عانا كەلۋلەرىن سۇراپ وتىر. سەبەبى بارلىق كۇش تۇندە جاراقات العاندارعا جۇمسالىپ جاتقانىن ايتادى.