تايۆان پرەزيدەنتى ساي ينۆەن قىتايعا «ءبىر پارتيالى مەملەكەتتەن قالاي ديناميكالىق دەموكراتيالى ەلگە اينالۋعا بولاتىنى تۋرالى» تاجىريبەسىمەن بولىسۋگە ۇسىنىس جاسادى دەپ حابارلايدى قامشى اقپاراتتىق اگەنتتىگى BBC ورىس قىزمەتىنە سىلتەمە جاساپ.

ونىڭ اتالعان ۇسىنىسى قىتايدىڭ 1989 جىلعى تيانانمەن الاڭىندا قاندى قىرعىن جاساعانىنا 28 جىل تولۋى قارساڭىندا ايتىلدى. 28 جىل بۇرىن ءدال وسى كۇنى جۇڭگو بيلىگى ساياسي وزگەرىستى تالاپ ەتكەن جاستار مەن ستۋدەنتتەردى تانكپەن تاپتاپ، قاتىگەزدىكپەن جانىشتاعان ەدى.

ال، جۇڭگو بيلىگى اتالعان جاعدايدىڭ ورىن الماعانىن العا تارتىپ، باسقا ەلدەردە وسى كۇنگە بايلانىستى ەسكە الۋ شاراسىن وتكىزۋگە قارسىلىق بىلدىرەدى.

رەسمي مالىمەتتەر بويىنشا، 1989 جىلى 4 ماۋسىمىندا جۇڭگو بيلىگىنەن ساياسي وزگەرىس تالاپ ەتكەن دەمونستراسيانى باسىپ-جانشۋدان 241 ادام ولگەن. كەيبىر مالىمەتتەر بىرنەشە جۇزدەگەن ادامنىڭ ولگەنىن ايتسا دا ناقتى دەرەك جوق.